പാലാ: ലവ് ജിഹാദിനൊപ്പം നര്ക്കോട്ടിക് ജിഹാദുമെന്ന് പാലാ ബിഷപ്പ് മാര് ജോസഫ് കല്ലറങ്ങാട്ട്. ക്രിസ്ത്യന് പെണ്കുട്ടികളെ ഇരയാക്കുകയാണെന്നും അദ്ദേഹം ആരോപിച്ചു. കുറവിലങ്ങാട് പള്ളിയിലെ തിരുനാളുമായി ബന്ധപ്പെട്ടുള്ള പ്രസംഗത്തിലാണ് പാലാ ബിഷപ്പ് ഇക്കാര്യങ്ങള് പറഞ്ഞത്.
ഇതിന് സഹായം നല്കുന്ന ഒരു വിഭാഗം കേരളത്തില് പ്രവര്ത്തിക്കുന്നുണ്ടെന്നും അദ്ദേഹം കുറ്റപ്പെടുത്തി.
ഇതര മതസ്ഥരായ യുവതികള് ഐ എസ് ക്യാമ്പില് എങ്ങനെ എത്തിയെന്ന് പരിശോധിച്ചാല് ഇക്കാര്യങ്ങള് മനസിലാകും.കത്തോലിക്ക യുവാക്കളില് മയക്കുമരുന്ന് ഉപയോഗം വ്യാപകമാക്കാന് പ്രത്യേകം ശ്രമങ്ങള് നടക്കുന്നുണ്ടെന്നും ബിഷബ് ജോസഫ് കല്ലറങ്ങാട്ട് ആരോപിച്ചു.
ലവ് ജിഹാദിന്റെ ഭാഗമായി പല പെണ്കുട്ടികളും മതംമാറ്റപ്പെടുന്നു. കത്തോലിക്ക യുവാക്കളില് മയക്കുമരുന്ന് ഉപയോഗം വ്യാപകമാക്കുന്നു. മുസ്ലിംകള് അല്ലാത്തവരെ ഇല്ലാതാക്കുകയാണ് ലക്ഷ്യം. ഇവരെ സഹായിക്കുന്ന ഒരു സംഘം കേരളത്തിലുണ്ടെന്നും കരുതിയിരിക്കണമെന്നുമാണ് ബിഷപ്പ് പറഞ്ഞത്.
ബിഷപ്പിന്റെ പ്രസംഗത്തില് നിന്ന്:
കത്തോലിക്ക യുവാക്കളില് മയക്ക് മരുന്ന് ഉപയോഗം വ്യാപകമാക്കാന് ഗൂഢനീക്കങ്ങള് നടക്കുന്നുണ്ട്. ലൗവ് ജിഹാദില്ലെന്ന് സ്ഥാപിക്കാന് ശ്രമിക്കുന്നത് കണ്ണടച്ച് ഇരുട്ടാക്കുന്നതിന് തുല്യമാണ്. ഇത്തരക്കാര്ക്ക് നിഷിപ്ത താത്പര്യമുണ്ട്. മുസ്ലിം ആശയങ്ങള് അടിച്ചേല്പ്പിക്കാന് പല തരത്തില് ശ്രമം നടക്കുന്ന അവസ്ഥ നിലവിലുണ്ട്. ഹലാല് വിവാദമൊക്കെ ഇതിന്റെ ഭാഗമാണ്. ഈ സാഹചര്യത്തില് കത്തോലിക്ക കുടുംബങ്ങള് കരുതിയിരിക്കണം.
ഇളംപ്രായത്തില് തന്നെ പെണ്കുട്ടികളെ വശത്താക്കുക എന്ന ലക്ഷ്യത്തോടെ സ്കൂളിലും കോളേജിലും ഹോസ്റ്റലിലും കച്ചവടസ്ഥാപനങ്ങളിലും അങ്ങനെ പൊതുസ്ഥലങ്ങളിലും സ്ഥാപനങ്ങളിലുമെല്ലാം ജിഹാദികള് വലവിരിച്ചുവെന്ന് നാം തിരിച്ചറിയണം. നാം ഒരുപാട് വൈകിപ്പോയി. കേരളത്തില് ലൗവ് ജിഹാദില്ലെന്ന് സ്ഥാപിക്കാന് ശ്രമിക്കുന്നവര് കണ്ണടച്ച് ഇരുട്ടാക്കുകയാണ്. നാര്ക്കോട്ടിക് ജിഹാദാണ് നടക്കുന്നത്. അമുസ്ലിംകളെ പ്രത്യേകിച്ച് ചെറുപ്പക്കാരെ ലഹരിമരുന്നിന് അടിമയാക്കാന് ശ്രമിക്കുന്ന അവസ്ഥയാണ് നിലവിലുള്ളത്.
