കൊച്ചി: ദിലീപിന്റെ ജാമ്യം റദ്ദാക്കണമെന്ന ഹര്ജി പരിഗണിക്കുന്നത് കൊച്ചിയിലെ പ്രത്യേക കോടതി 26ലേക്ക് മാറ്റിവെച്ചു.
നടിയെ ആക്രമിച്ച കേസുമായി ബന്ധപ്പെട്ട ജാമ്യവ്യവസ്ഥകള് ദിലീപ് ലംഘിച്ചെന്ന് ചൂണ്ടിക്കാട്ടി ക്രൈംബ്രാഞ്ച് സമര്പ്പിച്ച ഹര്ജിയിലാണ് കോടതിയുടെ നടപടി. സാക്ഷികളെ സ്വാധീനിക്കാനും തെളിവുകള് നശിപ്പിക്കാനും ദിലീപ് ശ്രമിച്ചതിന് തെളിവുകളുണ്ടെന്ന് ഹര്ജിയില് അന്വേഷണ സംഘം ചൂണ്ടിക്കാട്ടിയിരുന്നു. കേസുമായി ബന്ധപ്പെട്ട ജിന്സണ്, വിപിന്ലാല് എന്നീ സാക്ഷികളെ സ്വാധീനിക്കാന് ശ്രമിച്ചതിന് പീച്ചി പൊലീസും ബേക്കല് പൊലീസും രജിസ്റ്റര് ചെയ്ത കേസുകള് ചൂണ്ടിക്കാട്ടി ദിലീപിന്റെ ജാമ്യം റദ്ദാക്കാന് അന്വേഷണ സംഘം നേരത്തെയും കോടതിയെ സമീപിച്ചിരുന്നു.
