ദോഹ: അടിയന്തരാവസ്ഥകള്, പ്രതിസന്ധികള്, ദുരന്തങ്ങള്, മറ്റ് നിര്ണായക സാഹചര്യങ്ങള് എന്നിവ കാര്യക്ഷമമായി കൈകാര്യം ചെയ്യാന് ലക്ഷ്യമിട്ട് മുന്നറിയിപ്പ് സംവിധാനങ്ങളുമായി ആഭ്യന്തര മന്ത്രാലയം രംഗത്തെത്തി. സന്ദേശങ്ങള് പൊതുജനങ്ങള്ക്കോ പ്രത്യേക ഭൂമിശാസ്ത്രപരമായ മേഖലകളിലേക്കോ ആണ് അയക്കുക. മുന്നറിയിപ്പ് സന്ദേശങ്ങള് മൊബൈല് സ്ക്രീനുകളില് അറബിയിലും ഇംഗ്ലീഷിലും ദൃശ്യമാകും. ഒപ്പം വൈബ്രേഷനും ഉദ്ദേശിച്ച സ്വീകര്ത്താക്കളുടെ ശ്രദ്ധ പിടിച്ചുപറ്റുന്നതിനുള്ള റിംഗ്ടോണും ഒപ്പമുണ്ട്.
പബ്ലിക് വാണിംഗ് സിസ്റ്റം ട്രയല് റണ് അവതരിപ്പിച്ചു. രാജ്യത്തെ എല്ലാ സ്മാര്ട്ട്ഫോണ് ഉപയോക്താക്കള്ക്കും വതന് അഭ്യാസത്തിന്റെ ആരംഭം സംബന്ധിച്ച പരീക്ഷണ സന്ദേശം എത്തിച്ചു.
നിര്ദ്ദിഷ്ട സാഹചര്യങ്ങളില് സുരക്ഷ ഉറപ്പാക്കുന്നതിന് ഇത് നിര്ണായകമായതിനാല്, നല്കിയിരിക്കുന്ന നിര്ദ്ദേശങ്ങള് പാലിച്ചുകൊണ്ട് ഈ മുന്നറിയിപ്പുകളോട് ഉടനടി പ്രതികരിക്കേണ്ടതിന്റെ പ്രാധാന്യം അധികാരികള് അടിവരയിടുന്നു.
