ദോഹ: പൊതമരാമത്ത് അതോറിറ്റി (അഷ്ഗാല്‍) ഡിസംബര്‍ 17 മുതല്‍ ഒന്നിലധികം സ്ഥലങ്ങളില്‍ റോഡ് അടച്ചിടുമെന്ന് പ്രഖ്യാപിച്ചു.
അല്‍ വാബ് ഇന്റര്‍സെക്ഷനില്‍ ഡിസംബര്‍ 17ന് രാത്രി 10 മണിക്ക് താത്ക്കാലികമായി അടക്കുമെന്ന് അഷ്ഗല്‍ അറിയിച്ചു. ടിഎസ്ഇ പൈപ്പ് ലൈനിന്റെ അറ്റകുറ്റപ്പണികള്‍ നടത്തുന്നതിനായി ഡിസംബര്‍ 22 ഞായറാഴ്ച രാവിലെ 6 മണി വരെ ഈ റോഡ് അടച്ചിടും.
സല്‍വ റോഡില്‍ നിന്ന് സബാഹ് അല്‍- അഹമ്മദ് ഇടനാഴിയിലേക്ക് വരുന്ന റോഡ് ഉപയോക്താക്കള്‍ക്ക് നാസര്‍ ബിന്‍ സലീം അല്‍ സുവൈദി ഇന്റര്‍സെക്ഷനിലേക്ക് പോകുന്ന ഫ്രീ റൈറ്റ് പാത ഉപയോഗിക്കാനും അടുത്തുള്ള തെരുവുകളിലേക്ക് തിരിച്ചുപോകാനും അധികാരികള്‍ നിര്‍ദ്ദേശിച്ചു.
അതേസമയം, നാസര്‍ ബിന്‍ സലീം അല്‍ സുവൈദി ഇന്റര്‍സെക്ഷനില്‍ നിന്ന് വരുന്ന റോഡ് ഉപയോക്താക്കള്‍ അല്‍ വാബ് ഇന്റര്‍സെക്ഷനില്‍ നിന്ന് ഇടത്തോട്ടും യു-ടേണിലൂടെയും സല്‍വ റോഡിലേക്ക് തിരിഞ്ഞ് അല്‍ വാബ് സ്ട്രീറ്റ് ഉപയോഗിച്ച് മെഹൈര്‍ജ ഇന്റര്‍സെക്ഷനിലേക്ക് പോകുകയും അടുത്തുള്ള തെരുവുകളിലേക്ക് വഴിതിരിച്ച് ലക്ഷ്യസ്ഥാനത്ത് എത്തുകയും ചെയ്യുന്നു.
സബാഹ് അല്‍ അഹമ്മദ് ഇടനാഴിയില്‍ അല്‍ റയ്യാന്‍ പാലസ് ഇന്റര്‍സെക്ഷനിലേക്ക് പുറപ്പെടുന്ന സര്‍വീസ് പാതയില്‍ ഗതാഗത നിയന്ത്രണം ഏര്‍പ്പെടുത്തി. അറ്റകുറ്റപ്പണികള്‍ നടത്തുന്നതിന് ഡിസംബര്‍ 19 വ്യാഴാഴ്ച അര്‍ധരാത്രി മുതല്‍ ഡിസംബര്‍ 29 രാത്രി 10 മണി വരെ ഗതാഗത നിയന്ത്രണം പ്രാബല്യത്തിലുണ്ടാകും. റോഡ് ഉപയോക്താക്കള്‍ക്ക് അവരുടെ ലക്ഷ്യസ്ഥാനങ്ങളില്‍ എത്തിച്ചേരാന്‍ അടുത്തുള്ള ഇതര റോഡുകള്‍ ഉപയോഗിക്കാം.
ഉപരിതല ജലം ഒഴുക്കിവിടുന്ന ജോലികള്‍ പൂര്‍ത്തിയാക്കുന്നതിനായി മുഐതര്‍ ക്ലബ് ഇന്റര്‍സെക്ഷന്‍ നാല് ദിശകളിലും താത്ക്കാലികമായി അടച്ചിടും. ഡിസംബര്‍ 20 വെള്ളിയാഴ്ച പുലര്‍ച്ചെ 2 മുതല്‍ രാവിലെ 10 വരെ അടച്ചിടല്‍ തുടരും.
ഖലീഫ ബൊളിവാര്‍ഡില്‍ നിന്ന് അല്‍ ഷഹാമ സ്ട്രീറ്റിലേക്കുള്ള ഗതാഗതം ഖലീഫ ബൊളിവാര്‍ഡിലെ ബാനി ഹാജര്‍ ഇന്റര്‍ചേഞ്ചില്‍ എട്ട് മണിക്കൂര്‍ അടച്ചിടും. അറ്റകുറ്റപ്പണികള്‍ക്കായി ഡിസംബര്‍ 20 വെള്ളിയാഴ്ച പുലര്‍ച്ചെ 2 മുതല്‍ രാവിലെ 10 വരെയാണ് അടച്ചിടല്‍.
ഖലീഫ ബൊളിവാര്‍ഡില്‍ നിന്ന് അല്‍ ഷഹാമ സ്ട്രീറ്റ് വഴി ബാനി ഹാജറിലേക്ക് പോകുന്ന റോഡ് ഉപയോക്താക്കള്‍ ന്യൂ അല്‍ റയ്യാന്‍ സ്ട്രീറ്റിലേക്കുള്ള പാലം ഉപയോഗിക്കാനും അല്‍ ഷാഫി ഇന്റര്‍സെക്ഷനില്‍ യു-ടേണ്‍ ചെയ്യാനും തുടര്‍ന്ന് ലക്ഷ്യസ്ഥാനത്ത് എത്താന്‍ ബാനി ഹാജര്‍ ഇന്റര്‍ചേഞ്ച് അണ്ടര്‍പാസ് ഉപയോഗിക്കാനും നിര്‍ദ്ദേശിക്കുന്നു.
