NEWS
ഇ എന്‍ ടി വിദഗ്ധരുടെ ദ്വിദിന സമ്മേളനം ആരംഭിച്ചു
കൊച്ചി: ഇ എന്‍ ടി വിദഗ്ധരുടെ ദ്വിദിന സമ്മേളനം എ ഒ ഐ കോണ്‍ 2023 കേരള സ്റ്റേറ്റ് മിഡ് ടെം ഇ എന്‍ ടി കോണ്‍ഫറന്‍സ് വി പി എസ് ലേക്ഷോറില്‍ ആരംഭിച്ചു. ഡോ. ശ്രീനിവാസ കമ്മത്ത് ഉദ്ഘാടനം ചെയ്തു. വി പി എസ് ലേക്ഷോര്‍ മാനേജിങ് ഡയറക്ടറും കോണ്‍ഫ്രന്‍സ് പേട്രനുമായ എസ് കെ അബ്ദുള്ള ആശംസയര്‍പ്പിച്ചു.
വി പി എസ് ലേക്ഷോര്‍ ആശുപത്രിക്കൊപ്പം അസോസിയേഷന്‍ ഓഫ് ഓട്ടോലാരിങ്കോളജിസ്റ്റ്‌സ് ഓഫ് ഇന്ത്യ കൊച്ചി, കൊച്ചിന്‍ സൊസൈറ്റി ഓഫ് ഓട്ടോലാരിങ്കോളജിസ്റ്റ്‌സ് ഫോര്‍ മെഡിക്കല്‍ സര്‍വീസസ് എന്നിവരുടെ സംയുക്താഭിമുഖ്യത്തിലാണ് സമ്മേളനം സംഘടിപ്പിക്കുന്നത്.
സമ്മേളനത്തിന്റെ ഭാഗമായി ജന്മനാ കേള്‍വിയില്ലാത്ത കുട്ടികള്‍ക്ക് വി പി എസ് ലേക്ഷോറില്‍ സൗജന്യ കോക്ലിയര്‍ ഇംപ്ലാന്റ് ശസ്ത്രക്രിയ നടത്തുന്ന സി എസ് ആര്‍ പ്രോജക്ടായ ‘സ്നേഹസ്വരം’ പദ്ധതിയിലെ ആദ്യ ശസ്ത്രക്രിയ വി പി എസ് ലേക്ഷോറിലെ ഇ എന്‍ ടി എച്ച് ഓ ഡി ആന്‍ഡ് സീനിയര്‍ കണ്‍സല്‍ട്ടന്റ് ഡോ. ഇടിക്കുള കെ മാത്യൂസ്, കോക്ലിയര്‍ ഇംപ്ലാന്റ് സര്‍ജന്‍ ഡോ. ലക്ഷ്മി, ഡോ. രഞ്ജിത്ത്, അസോഷ്യേറ്റ് കണ്‍സല്‍ട്ടന്റ് ഡോ. ഗോകുല്‍ ഇ ഡി, കണ്‍സല്‍ട്ടന്റ് ഡോ. ശ്വേത ഷേണായ് എന്നിവരുടെ നേതൃത്വത്തില്‍ നടത്തും.
സമ്മേളനത്തിന്റെ ഭാഗമായി മദ്രാസ് ഇ എന്‍ ടി റിസര്‍ച്ച് ഫൗണ്ടേഷന്‍ മാനേജിങ് ഡയറക്ടര്‍ ആന്‍ഡ് സീനിയര്‍ കണ്‍സല്‍ട്ടന്റ് ഡോ. മോഹന്‍ കാമേശ്വരന്‍, ഹിസാര്‍ എന്‍ സി ജിന്‍ഡല്‍ ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സസ് ഇ എന്‍ ടി ഡയറക്ടര്‍ ആന്‍ഡ് എച്ച് ഒ ഡി ഡോ. മാധുരി മെഹ്ത, വി പി എസ് ലേക്ഷോറിലെ ഇ എന്‍ ടി എച്ച്് ഒ ഡി ആന്‍ഡ് സീനിയര്‍ കണ്‍സല്‍ട്ടന്റ് ഡോ. ഇടിക്കുള കെ മാത്യൂസ്, ഡോ. നൗഷാദ്‌സ് ഇ എന്‍ ടി സെന്റര്‍ സീനിയര്‍ കണ്‍സല്‍ട്ടന്റ് ഡോ. മുഹമ്മദ് നൗഷാദ്, മെഡിക്കല്‍ ട്രസ്റ്റ് ഇ എന്‍ ടി എച്ച് ഒ ഡി ഡോ. മാത്യു ഡൊമിനിക് എന്നിവരുടെ നേതൃത്വത്തില്‍ ലൈവ് സര്‍ജിക്കല്‍ വര്‍ക് ഷോപ്പ് നടത്തി. രാജ്യത്തിന്റെ വിവിധ ഭാഗങ്ങളില്‍ നിന്നുള്ള ഇ എന്‍ ടി വിദഗ്ധര്‍, മെഡിക്കല്‍ വിദ്യാര്‍ഥികള്‍ എന്നിവര്‍ പങ്കെടുത്ത പാനല്‍ ചര്‍ച്ച, റിസര്‍ച്ച് പേപ്പര്‍ അവതരണം എന്നീ സെഷനുകളും സംഘടിപ്പിച്ചു.
ഡോ. മനോജ് മാണിക്കോത്ത്, ഡോ. വാദിഷ് ഭട്ട്, ഡോ. സുനില്‍കുമാര്‍ പി, ഡോ. ഷറഫുദീന്‍ പി കെ, ഡോ. ബിനി ഫൈസല്‍, ഡോ. മാത്യു ഡൊമിനിക്, ഡോ. അജയ് ഭണ്ഡാര്‍ക്കര്‍, ഡോ. ഷിബു ജോര്‍ജ്, ഡോ. സുചിത് റോയ്, ഡോ. റാംമോഹന്‍ ടി, ഡോ. മുഹമ്മദ് നൗഷാദ്, ഡോ. രഞ്ജിത്ത് രാജേശ്വരന്‍ എന്നിവര്‍ വിവിധ സെഷനുകളില്‍ സംസാരിച്ചു.
ആഗോളവാര്‍ത്ത സോഷ്യല്‍ മീഡിയകളിലേക്ക് താഴെ കാണുന്ന ലിങ്കുകള്‍ ക്ലിക്ക് ചെയ്യുക:
വാട്സ്ആപ് ഗ്രൂപ്പിന്‌:
https://chat.whatsapp.com/IyMsNUuLBsVIdCocaS1ycb
ഫേസ്ബുക്ക് പേജിന്:
https://www.facebook.com/
ടെലഗ്രാം:
https://t.me/joinchat/
ട്വിറ്റര്‍:
https://twitter.com/
ഇന്‍സ്റ്റാഗ്രാം:
https://www.instagram.com/
യൂട്യൂബ്:
https://www.youtube.com/
ഗൂഗ്ള്‍ ന്യൂസ്:
shorturl.at/guPV7
