കൊച്ചി: ഡോമിന് ഡി സില്വയുടെ സംവിധാനത്തില് ജോജു ജോര്ജ്ജും പൃഥ്വിരാജും ഷീലു എബ്രഹാമും പ്രധാന വേഷത്തില് എത്തുന്ന ഏറ്റവും പുതിയ ചിത്രമാണ് ‘സ്റ്റാര്’. ചിത്രത്തിലെ ആദ്യ വീഡിയോ സോങ് മലയാളികളുടെ പ്രിയ താരം മോഹന്ലാലിന്റെ ഔദ്യോഗിക ഫേസ്ബുക് പേജിലൂടെ പുറത്തു വിട്ടു. ബി കെ ഹരിനാരായണന്റെ വരികള്ക്ക് വില്യം ഫ്രാന്സിസ് സംഗീതം പകര്ന്ന ‘നിന്നോട് ചേരാന്’ എന്ന് തുടങ്ങുന്ന ഗാനം ആലപിച്ചിരിക്കുന്നത് നിത്യ മാമന് ആണ്. ചിത്രത്തിലെ ലിറിക്കല് സോങ് മുന്പ് റിലീസായി ഏറെ ജനശ്രദ്ധ നേടിയിരുന്നു.
ചിത്രത്തില് അതിഥിതാരമായാണ് പൃഥ്വിരാജ് എത്തുന്നതെങ്കിലും ഏറെ പ്രാധാന്യമുള്ള ഒരു കഥാപാത്രത്തെ തന്നെയാണ് അദ്ദേഹം അവതരിപ്പിക്കുന്നത്. അബാം മൂവീസിന്റെ ബാനറില് എബ്രഹാം മാത്യു നിര്മ്മിക്കുന്ന സിനിമ ഫാമിലി ത്രില്ലര് വിഭാഗത്തില് പെടുന്നതാണ്. നവാഗതനായ സുവിന് എസ് സോമശേഖരന്റേതാണ് രചന. സാനിയ ബാബു, ശ്രീലക്ഷ്മി, ഗായത്രി അശോക്, തന്മയ് മിഥുന്, ജാഫര് ഇടുക്കി, സബിത, ഷൈനി രാജന്, രാജേഷ്.ബി തുടങ്ങിയവരാണ് മറ്റ് അഭിനേതാക്കള്.
ചില വിശ്വാസങ്ങളെ അടിസ്ഥാനപ്പെടുത്തിയുള്ള ത്രില്ലര് ആണ് ചിത്രം. ഒക്ടോബര് 28ന് ജി സി സി റിലീസും 29ന് കേരളത്തില് തിയേറ്റര് റിലീസിനുമാണ് ചിത്രം എത്തുന്നത്. എം ജയചന്ദ്രനും രഞ്ജിന് രാജും ചേര്ന്നാണ് ചിത്രത്തിലെ ഗാനങ്ങള്ക്ക് ഈണം പകരുന്നത്. ബാദുഷയാണ് പ്രൊജക്ട് ഡിസൈനര്. തരുണ് ഭാസ്കരനാണ് ഛായാഗ്രഹകന്. ലാല് കൃഷ്ണനാണ് ചിത്രസംയോജനം നിര്വ്വഹിക്കുന്നത്. വില്യം ഫ്രാന്സിസാണ് പശ്ചാത്തല സംഗീതം ഒരുക്കുന്നത്. കമര് എടക്കര കലാസംവിധാനവും അരുണ് മനോഹര് വസ്ത്രാലങ്കാരവും നിര്വ്വഹിക്കുന്ന ചിത്രത്തില് റോഷന് എന് ജി മേക്കപ്പും അജിത്ത് എം ജോര്ജ്ജ് സൗണ്ട് ഡിസൈനും നിര്വ്വഹിക്കുന്നു. റിച്ചാര്ഡാണ് പ്രൊഡക്ഷന് കണ്ട്രോളര്, അമീര് കൊച്ചിന് ഫിനാന്സ് കണ്ട്രോളറും സുഹൈല് എം, വിനയന് ചീഫ് അസോസിയേറ്റ്സുമാണ്. ഡിജിറ്റല് മാര്ക്കറ്റിംഗ്: അരുണ് പൂക്കാടന്, പി ആര് ഒ: പി ശിവപ്രസാദ്, സ്റ്റില്സ്: അനീഷ് അര്ജ്ജുന്.
