കൊച്ചി: ഇന്ത്യയില് ആദ്യമായി തലയിലെയും കഴുത്തിലെയും അപൂര്വ ക്യാന്സറുകളുടെ ചികിത്സയ്ക്കായി വിപിഎസ് ലേക്ഷോര് ഹോസ്പിറ്റലില് സെന്റര് ഫോര് കോംപ്ലക്സ് ഹെഡ് ആന്റ് നെക്ക് ക്യാന്സര് (സിസിഎച്ച്എന്സി) ആരംഭിച്ചു.
ഏറ്റവും വെല്ലുവിളി നിറഞ്ഞതും സങ്കീര്ണ്ണവുമായ തല, കഴുത്ത് ക്യാന്സറുകള്ക്ക് സമഗ്രവും അത്യാധുനികവുമായ പരിചരണം നല്കുന്നതിനായി രൂപകല്പ്പന ചെയ്തിരിക്കുന്ന കേന്ദ്രമാണ് കോംപ്ലക്സ് ഹെഡ് ആന്റ് നെക്ക് ക്യാന്സര് സെന്റര്. അന്താരാഷ്ട്രതലത്തില് പ്രശസ്തരായ ഡോക്ടര്മാരുടെ നേതൃത്വത്തില്, വിവിധ മേഖലകളിലെ വിദഗ്ധരുടെ സംഘത്തിന്റെ പിന്തുണയോടെയാണ് കേന്ദ്രം പ്രവര്ത്തിക്കുക. സങ്കീര്ണ്ണവും ആവര്ത്തിച്ചുള്ളതും രോഗനിര്ണയം നടത്താനും ചികിത്സിക്കാനും ബുദ്ധിമുട്ടുള്ളതുമായ തല, കഴുത്ത് ക്യാന്സറുകള് സിസിഎച്ച്എന്സി കൈകാര്യം ചെയ്യുന്നു.
”അത്യാധുനിക സാങ്കേതികവിദ്യ, കൃത്യമായ ജീനോമിക് രോഗനിര്ണയം, വിവിധ മേഖലകളിലെ നൂതന ചികിത്സാ വൈദഗ്ധ്യം, സമഗ്രമായ പുനരധിവാസം എന്നിവ സംയോജിപ്പിച്ച് ലോകോത്തര ക്യാന്സര് പരിചരണം നല്കുക എന്നതാണ് ഞങ്ങളുടെ ലക്ഷ്യം,’ ഹെഡ് ആന്റ് നെക്ക് ഓങ്കോളജി വിഭാഗം സീനിയര് കണ്സള്ട്ടന്റും മേധാവിയുമായ ഡോ. മോണി എബ്രഹാം കുര്യാക്കോസ് പറഞ്ഞു. ഹെഡ് ആന്ഡ് നെക്ക് ക്യാന്സര് കൈകാര്യം ചെയ്യുന്നതില് 40 വര്ഷത്തിലേറെ പരിചയമുണ്ട് ഡോ. മോണി എബ്രഹാം കുര്യാക്കോസിന്.
ആഗോള ഡ്രഗ് ആക്സസ് പ്രോഗ്രാമുകളിലൂടെയും പ്രമുഖ അന്താരാഷ്ട്ര കേന്ദ്രങ്ങളുമായി സഹകരിച്ചുള്ള ക്ലിനിക്കല് പരീക്ഷണങ്ങളിലൂടെയും നൂതന ചികിത്സാ രീതികള് സൃഷ്ടിക്കാന് സിസിഎച്ച്എന്സി ശ്രമിച്ചുവരുന്നു. രോഗികള്ക്ക് ഏറ്റവും പുതിയ ചികിത്സകള് അതിവേഗം ലഭ്യമാക്കുക എന്നതാണ് ലക്ഷ്യം.
തലയിലും കഴുത്തിലും ക്യാന്സര് ആവര്ത്തിക്കാനുള്ള സാധ്യത 50 ശതമാനം വരെ ഉയര്ന്നതാണെന്ന് ഡോ. മോണി കൂട്ടിച്ചേര്ത്തു. ‘ഇത്തരം വിപുലമായ ആവര്ത്തിച്ചുള്ളതോ സങ്കീര്ണ്ണമായതോ ആയ ക്യാന്സറുകള് ചികിത്സിക്കാന് സമര്പ്പിത കേന്ദ്രങ്ങള് ഇന്ന് ഇന്ത്യയില് ഇല്ല. ഈ വിടവ് നികത്താനും ഈ രോഗികള്ക്ക് കേന്ദ്രീകൃതവും സമഗ്രവുമായ പരിചരണം നല്കാനുമാണ് സിസിഎച്ച്എന്സി രൂപകല്പ്പന ചെയ്തിരിക്കുന്നത്.’ ഡോ. മോണി പറഞ്ഞു
നൂതന കമ്പ്യൂട്ടര് സഹായത്തോടെ ചികിത്സയുടെ ഡിജിറ്റല് പ്ലാനിംഗിലും രോഗിക്ക് അനുയോജ്യമായ ഇംപ്ലാന്റുകളിലും കേന്ദ്രം ശ്രദ്ധ കേന്ദ്രീകരിക്കുന്നു എന്ന് ഹെഡ് ആന്റ് നെക്ക് സര്ജിക്കല് ഓങ്കോളജി കണ്സള്ട്ടന്റായ ഡോ. അശ്വിന് മുള്ളത്ത് പറഞ്ഞു. പുനര്നിര്മ്മാണവും പുനരധിവാസവും സംയോജിപ്പിച്ച് അവയവത്തിന്റെ രൂപവും പ്രവര്ത്തനവും പുനഃസ്ഥാപിക്കാന് ഇതിലൂടെ കഴിയും. ”ഓറല് കാവിറ്റി ക്യാന്സറുകള്ക്കുള്ള കമ്പാര്ട്ട്മെന്റല് റീസെക്ഷന് ടെക്നിക്കുകള് ഞങ്ങളുടെ ടീം വികസിപ്പിച്ചെടുത്തിട്ടുണ്ട്, ഇത് മികച്ച രോഗ നിയന്ത്രണം ഉറപ്പാക്കുന്നു. ഒരു ദിവസത്തില് നടക്കുന്ന ‘ജോ-ഇന്-എ-ഡേ’ ചികിത്സയിലൂടെ രോഗികള്ക്ക് ട്യൂമര് നീക്കം ചെയ്യുന്നതിനും ദന്ത പുനരധിവാസത്തോടൊപ്പം പൂര്ണ്ണമായ താടിയെല്ല് പുനര്നിര്മ്മാണത്തിനും വിധേയരാകാന് കഴിയും. ഇത് അവരെ വേഗത്തില് സാധാരണ ജീവിതത്തിലേക്ക് മടങ്ങാന് സഹായിക്കുന്നു,’ അദ്ദേഹം പറഞ്ഞു.
സിസിഎച്ച്എന്സിയില് വിപുലമായ ഡയഗ്നോസ്റ്റിക്സ്, റോബോട്ടിക് സര്ജറികള്, മിനിമലി ഇന്വേസീവ് നടപടിക്രമങ്ങള്, ജോ-ഇന്-എ-ഡേ പുനര്നിര്മ്മാണം, ജീനോമിക് അധിഷ്ഠിത ടാര്ഗെറ്റഡ് തെറാപ്പികള് എന്നിവ വാഗ്ദാനം ചെയ്യുന്നു. സ്പീച്ച് ആന്ഡ് സ്വാലോവിംഗ് തെറാപ്പി, ഡെന്റല് കെയര്, ഫിസിയോതെറാപ്പി, സൈക്കോ ഓങ്കോളജി, പാലിയേറ്റീവ് സപ്പോര്ട്ട് എന്നിവയുള്പ്പെടെ സമഗ്രമായ പുനരധിവാസവും രോഗികള്ക്ക് ലഭിക്കുന്നു.
സര്ജിക്കല് ഓങ്കോളജി, റേഡിയേഷന് ഓങ്കോളജി, മെഡിക്കല് ഓങ്കോളജി, പാത്തോളജി, ക്യാന്സര് ജീനോമിക്സ്, റേഡിയോളജി എന്നിവയിലെ വിദഗ്ധരുടെ കൂട്ടായ സേവനമാണ് രോഗികള്ക്ക് കേന്ദ്രത്തില് ലഭിക്കുക.
‘കേരളത്തില് ഏറ്റവും നൂതനവും അനുകമ്പാപൂര്ണ്ണവുമായ ക്യാന്സര് പരിചരണം നല്കുന്നതിനുള്ള ലേക്ഷോറിന്റെ തുടര്ച്ചയായ പ്രതിബദ്ധതയാണ് സിസിഎച്ച്എന്സിയുടെ സമാരംഭം പ്രതിഫലിപ്പിക്കുന്നത്. ലോകോത്തര വൈദഗ്ധ്യം, അത്യാധുനിക സാങ്കേതികവിദ്യ, ആഗോള കേന്ദ്രങ്ങളുമായി സംയോജിച്ചുള്ള ചികിത്സാപദ്ധതികള് എന്നിവ ഒരുമിച്ച് കൊണ്ടുവരുന്നതിലൂടെ കൊച്ചിയില് തന്നെ രോഗികള്ക്ക് ഉയര്ന്ന നിലവാരമുള്ള ക്യാന്സര് ചികിത്സ ലഭ്യമാക്കുക എന്നതാണ് ഞങ്ങളുടെ ലക്ഷ്യം,’ എന്ന് വിപിഎസ് ലേക്ഷോര് മാനേജിംഗ് ഡയറക്ടര് എസ് കെ അബ്ദുള്ള പറഞ്ഞു.
വാര്ത്താ സമ്മേളനത്തില് എം ഡി എസ് കെ അബ്ദുള്ള, സി ഇ ഒ ജയേഷ് വി നായര്, ഹെഡ് ആന്റ് നെക്ക് ഓങ്കോളജി വിഭാഗം സീനിയര് കണ്സള്ട്ടന്റും മേധാവിയുമായ ഡോ. മോണി എബ്രഹാം കുര്യാക്കോസ്, ഓങ്കോളജി കണ്സള്ട്ടന്റായ ഡോ. അശ്വിന് മുള്ളത്ത്, കണ്സള്ട്ടന്റ് ഓര്ത്തോപീഡിക് ഓങ്കോളജിസ്റ്റ് ഡോ. എബിന് റഹ്മാന് എന്നിവര് പങ്കെടുത്തു.
