ദോഹ: ”നിങ്ങള് എക്കാലത്തെയും മികച്ച ലോകകപ്പ് വോളണ്ടിയര്മാരാണ്, എന്റെ ഹൃദയത്തിന്റെ അടിത്തട്ടില് നിന്ന്, ഫുട്ബോളിനെ സ്നേഹിക്കുന്ന എല്ലാവരില് നിന്നും, നിങ്ങള്ക്കെല്ലാവര്ക്കും വളരെ നന്ദി. നിങ്ങള് അതിശയകരമാണ്,” ഫിഫ ഫാന് ഫെസ്റ്റിവല് സ്റ്റേജില് നിന്ന് ഫിഫ പ്രസിഡന്റ് പറഞ്ഞു.
ഫിഫ ലോകകപ്പ് ഖത്തര് 2022 വോളണ്ടിയര്മാരെ ടൂര്ണമെന്റിന്റെ ”ഹൃദയവും ആത്മാവും” എന്ന് വിശേഷിപ്പിച്ച് ഫിഫ പ്രസിഡന്റ് ജിയാനി ഇന്ഫാന്റിനോ. അദ്ദേഹം നന്ദി രേഖപ്പെടുത്തി.
കോര്ണിഷില് നടന്ന ഫിഫ ഫാന് ഫെസ്റ്റിവലില് വോളണ്ടിയര് സെലിബ്രേഷന് ഇവന്റില് സുപ്രിം കമ്മിറ്റി ഫോര് ഡെലിവറി ആന്റ് ലെഗസി സെക്രട്ടറി ജനറല് ഹസന് അല് തവാദിക്കൊപ്പം പങ്കെടുക്കവെയാണ് ഫിഫ ചീഫ് നന്ദി അറിയിച്ച് സംസാരിച്ചത്. വൈവിധ്യവും വൈദഗ്ധ്യവും ബഹുഭാഷാ വിജ്ഞാനവുമുള്ള രണ്ടായിരത്തോളം വോളന്റിയര്മാര് തിരശ്ശീലയ്ക്ക് പിന്നില് പ്രവര്ത്തിക്കുന്നുണ്ടെന്നും അവര് ലോകകപ്പില് ഖത്തറിന്റെ യഥാര്ഥ മനോഭാവം പ്രകടമാക്കാന് സഹായിച്ചുവെന്നും അദ്ദേഹം പറഞ്ഞു.
ഫിഫ ലോകകപ്പ് വോളണ്ടിയര്മാരാകാന് ആദ്യം 400,000 പേര് അപേക്ഷിച്ചിട്ടുണ്ടെന്നും 20,000 പേര് മാത്രമാണ് തെരഞ്ഞെടുക്കപ്പെട്ടതെന്നും അദ്ദേഹം ഓര്ത്തു.
”അഭിനന്ദനങ്ങള്,” അദ്ദേഹം പറഞ്ഞു. ”നിങ്ങള് ലോകകപ്പിന്റെ ഹൃദയവും ആത്മാവുമാണ്, ഏറ്റവും പ്രധാനമായി, നിങ്ങള് ലോകകപ്പിന്റെ മുഖവും പുഞ്ചിരിയുമാണ്. ഈ അത്ഭുതകരമായ ലോകകപ്പിന് ആളുകള് വരുമ്പോള് ആദ്യം കാണുന്ന വ്യക്തിയും അവര് പോകുമ്പോള് അവസാനമായി കാണുന്ന വ്യക്തിയും നിങ്ങളാണ്. നിങ്ങളുടെ പുഞ്ചിരിയാണ് ഈ ലോകകപ്പിനെ ഏറ്റവും മികച്ചതാക്കി മാറ്റിയത്- അദ്ദേഹം പറഞ്ഞു.
സ്റ്റേഡിയങ്ങള്, പരിശീലന സൈറ്റുകള്, എയര്പോര്ട്ടുകള്, ഫാന് സോണുകള്, ഹോട്ടലുകള്, പൊതുഗതാഗത ശൃംഖല തുടങ്ങിയ ഔദ്യോഗിക സൈറ്റുകളിലും അനൗദ്യോഗിക സൈറ്റുകളിലും വൈവിധ്യമാര്ന്ന മേഖലകളില് പിന്തുണ നല്കി വോളന്റിയര്മാര് ടൂര്ണമെന്റിന്റെ പ്രവര്ത്തനങ്ങളുടെ ഹൃദയഭാഗത്താണ്. ഫിഫ ലോകകപ്പിന്റെ ആഹ്ലാദകരമായ അന്തരീക്ഷത്തിന് അവ അനിവാര്യമാണെന്ന് കണക്കാക്കപ്പെടുന്നു.
”ഇത് അസാധാരണമാണ്, ഇത് ചരിത്രപരമാണ്. നിങ്ങള് അതിന്റെ ഭാഗമാണ്, നിങ്ങള് ചരിത്രത്തിന്റെ ഭാഗമാണ്,” അല് തവാദി പറഞ്ഞു. ”നിങ്ങള് ഓരോരുത്തരും ആളുകളുടെ ഹൃദയത്തിലും മനസ്സിലും ഓരോ വിത്ത് പാകിയിരിക്കുന്നു. നിങ്ങള് സമയം സമര്പ്പിച്ചു, നിങ്ങള് അര്പ്പണബോധമുള്ള പരിശ്രമം, വിയര്പ്പും കണ്ണീരും സമര്പ്പിച്ചു. ‘നിങ്ങളില് ഓരോരുത്തരും ചരിത്രം സൃഷ്ടിച്ചു.’- അല് തവാദി പറഞ്ഞു.
