ദോഹ: ഖത്തര് ടൂറിസത്തിന്റെയും സ്പേസ്ടൂണിന്റെയും പങ്കാളിത്തത്തോടെയുള്ള ഖത്തര് ടോയ് ഫെസ്റ്റിവലില് വാരാന്ത്യത്തിലെത്തിയത് 12,839 സന്ദര്ശകര്. ഖത്തര് ടൂറിസത്തിന്റെ ‘ഫീല് സമ്മര് ഇന് ഖത്തര്’ കാമ്പെയ്നിന്റെ ഭാഗമായുള്ള ഫെസ്റ്റിവല് രാജ്യത്തിന്റെ എല്ലാ കോണുകളില് നിന്നുമുള്ള കുടുംബങ്ങളെയും കളിപ്പാട്ട പ്രേമികളെയും ആകര്ഷിക്കുന്ന മികച്ച വിജയമാണ് നേടിയത്.
‘ലൈവ് ദ ടെയില്സ് ആന്ഡ് എന്ജോയ് ദ ഗെയിമുകള്’ എന്ന പ്രമേയത്തിന് കീഴില് ദോഹ എക്സിബിഷന് ആന്ഡ് കണ്വെന്ഷന് സെന്ററില് നടക്കുന്ന ഖത്തര് ടോയ് ഫെസ്റ്റിവല് ലോകത്തിലെ ഏറ്റവും പ്രിയപ്പെട്ട 25-ലധികം കളിപ്പാട്ട ബ്രാന്ഡുകള് പ്രദര്ശിപ്പിക്കുന്നുണ്ട്. ബാര്ബിയും ബ്ലിപ്പിയും മുതല് കൊക്കോമെലോണും ട്രാന്സ്ഫോര്മറുകളും വരെ കുട്ടിക്കാലത്തിന്റെ മാന്ത്രികതയും അത്ഭുതവും ഫെസ്റ്റിവല് പ്രദര്ശിപ്പിക്കുന്നു.
മിഡില് ഈസ്റ്റിലെ പ്രധാന ഫാമിലി ഡെസ്റ്റിനേഷനായി രാജ്യത്തെ കൂടുതല് സ്ഥാപിക്കാന് ലക്ഷ്യമിട്ടുള്ള ഖത്തര് ടൂറിസത്തിന്റെ ‘ഫീല് മോര് ഇന് ഖത്തര് ബ്രാന്ഡ് പ്ലാറ്റ്ഫോമിന്റെ വിപുലീകരണമാണ് ഫീല് സമ്മര് ഇന് ഖത്തര്’ കാമ്പെയ്ന്.
