ദോഹ: ഏപ്രില്‍ 17 മുതല്‍ 19 വരെയുള്ള വാരാന്ത്യത്തില്‍ സിവില്‍ ഏവിയേഷന്‍ അതോറിറ്റി കാലാവസ്ഥാ പ്രവചനം പുറപ്പെടുവിച്ചു, വടക്കുപടിഞ്ഞാറന്‍ ദിശയില്‍ നിന്ന് ശക്തമായ കാറ്റും കടല്‍ക്ഷോഭവും ഉണ്ടാകുമെന്ന് മുന്നറിയിപ്പ് നല്‍കി. ചില സ്ഥലങ്ങളില്‍ നേരിയ പൊടിക്കാറ്റും ഉണ്ടാകുമെന്ന് മുന്നറിയിപ്പ് നല്‍കി.
ഏപ്രില്‍ 17 വ്യാഴാഴ്ച പകല്‍ ചൂടുള്ള കാലാവസ്ഥയായിരിക്കുമെങ്കിലും രാത്രിയില്‍ താപനില 22 ഡിഗ്രി സെല്‍ഷ്യസ് വരെയാകുമെന്നാണ് പ്രതീക്ഷിക്കുന്നത്.
ശക്തമായ വടക്കുപടിഞ്ഞാറന്‍ ദിശയില്‍ നിന്നുള്ള കാറ്റ് 12-22 നോട്ട് വേഗതയിലായിരിക്കും വീശുക. ചില സമയങ്ങളില്‍ കാറ്റിന്റെ വേഗത 30 നോട്ട് വരെയും തിരമാലകളുടെ ഉയരം 12 അടി വരെയും ആകാനും സാധ്യതയുണ്ട്.
കൂടാതെ, പൊടിപടലങ്ങള്‍ നേരിയ തോതില്‍ വീശുമെന്ന് പ്രവചിക്കപ്പെടുന്നു.
ഏപ്രില്‍ 18 വെള്ളിയാഴ്ചയും ഇതേ കാലാവസ്ഥ തന്നെയാണ് പ്രതീക്ഷിക്കുന്നത്. പകല്‍ സമയത്ത് താപനില 31ഡിഗ്രി വരെയും രാത്രിയില്‍ 22 ഡിഗ്രി വരെയുമാകും.
ഏപ്രില്‍ 19 ശനിയാഴ്ച താപനില കൂടുതല്‍ ഉയരും. പരമാവധി താപനില 33 ഡിഗ്രിയും താഴ്ന്ന താപനില 22 ഡിഗ്രിയും ആയിരിക്കും.
