ദോഹ: ഇന്ത്യന്‍ എംബസിയുടെ ആഭിമുഖ്യത്തില്‍ ഇന്ത്യന്‍ കള്‍ച്ചറല്‍ സെന്റര്‍ ഐ സി സി അശോക ഹാളില്‍ ഇന്ത്യന്‍ കലയും സംസ്‌കാരവും ആഘോഷിക്കുന്ന പ്രതിവാര സാംസ്‌കാരിക പരിപാടി ‘ഐ സി സി വെനസ്‌ഡേ ഫിയസ്റ്റ’ അവതരിപ്പിച്ചു. ഖത്തറിലെ വിവിധ ഐ സി സി എ ഒകളും കലാ കേന്ദ്രങ്ങളും അവതരിപ്പിച്ച മികച്ച പ്രകടനങ്ങള്‍ പരിപാടിയില്‍ പ്രദര്‍ശിപ്പിച്ചു.
ഐ സി സി എച്ച് ആര്‍, അഡ്മിന്‍ ആന്റ് കോണ്‍സുലര്‍ മേധാവി രാകേഷ് വാഗ് അതിഥികളെയും വിശിഷ്ട വ്യക്തികളെയും സ്വാഗതം ചെയ്തു. തുടര്‍ന്ന് ഐ സി സി സാംസ്‌കാരിക പ്രവര്‍ത്തനങ്ങളുടെ ഹെഡ് നന്ദിനി അബ്ബഗൗണി ഉദ്ഘാടനം നിര്‍വഹിച്ചു.
ഐ സി സി പ്രസിഡന്റ് എ പി മണികണ്ഠന്‍ അധ്യക്ഷ പ്രസംഗം നടത്തി. ഐ സി സിയുടെ പുതിയ ലോഗോയുടെ സോഫ്റ്റ് ലോഞ്ചിംഗും നടത്തി.
ഐ സി സിയുമായി ബന്ധപ്പെട്ട തുളുകൂട്ട ഖത്തര്‍, തെലങ്കാന ജാഗ്രതി എന്നിവയുടെ പ്രസിഡന്റുമാരായ സന്ദേശ് ആനന്ദ്, സുധ ശ്രീരാമോജു എന്നിവരെ സമൂഹത്തിന് നല്‍കിയ ശ്രദ്ധേയമായ സംഭാവനകള്‍ക്ക് ആദരിച്ചു.
ഐ സി സി ഐ ടി ആന്റ് മീഡിയ മേധാവി സന്ദീപ് റെഡ്ഡി നന്ദി പറഞ്ഞു. നിയതി പരിപാടിക്ക് ആതിഥേയത്വം വഹിച്ചു. ഐ സി സി വൈസ് പ്രസിഡന്റ് ശാന്തനു ദേശ്പാണ്ഡെ, ഐ സി സി ജനറല്‍ സെക്രട്ടറി എബ്രഹാം കെ ജോസഫ്, ഐ സി സി മാനേജിംഗ് കമ്മിറ്റിയിലെ അംഗങ്ങള്‍, മറ്റ് അനുബന്ധ സംഘടനകളുടെ പ്രസിഡന്റുമാര്‍, മുതിര്‍ന്ന കമ്മ്യൂണിറ്റി നേതാക്കള്‍ എന്നിവര്‍ ചടങ്ങില്‍ പങ്കെടുത്തു.
