വാന്കൂവര്: ജോന് അരിയാസിന്റെ ഏകഗോളില് ഘാനയെ മറുപടിയില്ലാത്ത ഒരു ഗോളിന് കീഴടക്കിയ കൊളംബിയ ലോകകപ്പ് ഫുട്ബോളിന്റെ പ്രീക്വാര്ട്ടറില് (അവസാന 16) പ്രവേശിച്ചു. ചൊവ്വാഴ്ച നടക്കുന്ന പ്രീക്വാര്ട്ടര് പോരാട്ടത്തില് കൊളംബിയ സ്വിറ്റ്സര്ലന്ഡിനെ നേരിടും.
14-ാം മിനിറ്റിലാണ് മത്സരത്തിലെ ഏകഗോള് പിറന്നത്. പരിക്കേറ്റ ജോന് കോര്ഡോബയ്ക്ക് പകരം കളത്തിലിറങ്ങിയ ലൂയിസ് സുവാരസിന്റെ ക്രോസില് നിന്ന് അടുത്തദൂരത്തില് ജോന് അരിയാസ് പന്ത് വലയിലെത്തിക്കുകയായിരുന്നു.
56-ാം മിനിറ്റില് ലൂയിസ് ഡിയാസിലൂടെ കൊളംബിയ ലീഡ് ഇരട്ടിയാക്കിയതായി തോന്നിച്ചെങ്കിലും ഓഫ്സൈഡ് വിധിച്ചതോടെ ഗോള് അനുവദിച്ചില്ല.
മത്സരത്തിലുടനീളം ആധിപത്യം പുലര്ത്തിയ കൊളംബിയ നിരവധി അവസരങ്ങള് സൃഷ്ടിച്ചെങ്കിലും ഘാനന് ഗോള്കീപ്പര് ലോറന്സ് അതി സിഗിയുടെ തകര്പ്പന് മൂന്ന് സേവുകള് കൂടുതല് ഗോള് വഴങ്ങുന്നതില് നിന്ന് ടീമിനെ രക്ഷിച്ചു.
