ശ്രീനഗര്: അഭിഭാഷകയും മനുഷ്യാവകാശ പ്രവര്ത്തകയുമായ അഡ്വ. ദീപിക സിംഗ് രജാവത് കോണ്ഗ്രസിലേക്ക്. ഞായറാഴ്ച രാവിലെ ദീപിക കോണ്ഗ്രസ് അംഗത്വം സ്വീകരിക്കുമെന്നാണ് റിപ്പോര്ട്ട്.
അഡ്വ. ദീപിക സിംഗ് രജാവത്തിന്റേതായി കോണ്ഗ്രസില് ചേരുന്നതുമായി ബന്ധപ്പെട്ടുള്ള ക്ഷണക്കത്ത് പുറത്തിറങ്ങിയിട്ടുണ്ട്. രാജ്യത്തെ ഏറ്റവും പഴക്കമേറിയ ജനാധിപത്യ രാഷ്ട്രീയ പാര്ട്ടിയായ കോണ്ഗ്രസിലേക്ക് അഡ്വ. ദീപിക സിംഗ് രജാവത് ചേരുന്നുവെന്ന് സന്തോഷത്തോടെ അറിയിക്കുന്നുവെന്നും ജമ്മുവിലെ ഫോര്ച്യൂണ് ഇന്ര്നാഷനലില് വെച്ച് 2021 ഒക്ടോബര് 10ന് രാവിലെ 11 മണിക്ക് പാര്ട്ടി പ്രവേശന ചടങ്ങ് നടക്കുമെന്നുമാണ് കത്തില് പറയുന്നത്.
കത്വ പീഡനക്കേസില് പെണ്കുട്ടിയ്ക്ക് നീതി ലഭിക്കാനായി നിയമപോരാട്ടം നടത്തിയതിലൂടെയാണ് ദീപിക ശ്രദ്ധിക്കപ്പെട്ടത്. കേസ് അട്ടിമറിക്കാന് ശ്രമിച്ച ഹിന്ദുത്വവാദികള്ക്കെതിരെ ദീപിക ശക്തമായി നിലകൊണ്ടിരുന്നു.
