ദോഹ: പാലക്കാട് എന് എസ് എസ് കോളജ് ഓഫ് എഞ്ചിനീയറിംഗിന്റെ പൂര്വവിദ്യാര്ഥി സംഘടനയായ അനെക്സ് ഖത്തര് സംഘടിപ്പിച്ച ഫെന്ടെക് ആന്റ് എനര്ജി ടെക് കോണ്ക്ലേവ് അനെക്സ് ഫെന്ടെക് 26 ഹില്ട്ടണ് ഹോട്ടലില് സംഘടിപ്പിച്ചു.
ഫിന്ടെക്, എനര്ജി ടെക് മേഖലകളിലെ ഏറ്റവും പുതിയ സാങ്കേതിക പ്രവണതകളും നിര്മിത ബുദ്ധിയുടെ വ്യവസായ പ്രയോഗങ്ങളും കോണ്ക്ലേവിന്റെ പ്രധാന ആകര്ഷണമായിരുന്നു.
ഖത്തറിലെ ഇന്ത്യന് അംബാസഡര് വിപുല് ഉദ്ഘാടനം ചെയ്തു. ഫിന്ടെക്കും എനര്ജി ടെക്കും സമ്പദ്വ്യവസ്ഥയില് സൃഷ്ടിക്കുന്ന ദീര്ഘകാല മാറ്റങ്ങളെക്കുറിച്ച് അദ്ദേഹം വിശദീകരിച്ചു.
ഐടികാന് സൊലൂഷന്സ് ജനറല് മാനേജര് അഹമ്മദ് ഫര്ഷൂഖ്, ഡിജിറ്റല് ട്വിന്സ് ആന്റ് ആര്ട്ടിഫിഷ്യല് ഇന്റലിജന്സ് വ്യവസായത്തിന്റെ ഭാവി എന്ന വിഷയത്തില് മുഖ്യപ്രഭാഷണം നടത്തി. ഫിന്ടെക് അസോസിയേഷന് ചെയര്മാനും ദ ഫൗണ്ടേഴ്സ് മജ്ലിസ് സി ഇ ഒയുമായ ഗൗരവ് സച്ച്ദേവ, ഫിന്ടെക് മേഖലയിലെ ഡിജിറ്റല് പേയ്മെന്റുകളും ഡിജിറ്റല് മണി ട്രെന്ഡുകളും വിശദീകരിച്ചു.
ഇന്നൊവേഷന് ലാന്ഡ്സ്കേപ് എനര്ജി ടെക് ആന്റ് ഫിന്ടെക് എന്ന വിഷയത്തില് നടന്ന പാനല് ചര്ച്ചയില് ഡോ. അലന് വില്ലെഗാസ്, മൈക്രോസോഫ്റ്റ് എനര്ജി സെക്ടര് സി ടി ഒ മുഹമ്മദ് മഹ്മൂദ് തവാക്കോള്, സൈബര് സെക്യൂരിറ്റി അഡൈ്വസര് മന്ദാര് സാഹസ്രബുധേ എന്നിവര് പങ്കെടുത്തു.
പരിപാടിക്ക് അനെക്സ് പ്രസിഡന്റ് എഞ്ചിനീയര് ലീന ഹരിഗോവിന്ദ് സ്വാഗതവും അനെക്സ് സെക്രട്ടറി എഞ്ചിനീയര് അനീഷ് നന്ദിയും പറഞ്ഞു. എഞ്ചിനീയര് ദീപയും എഞ്ചിനീയര് രാം മോഹനും ആയിരുന്നു പരിപാടിയുടെ അവതാരകര്.
1997-ല് ഖത്തറില് രൂപീകരിക്കപ്പെട്ട അനെക്സ് ഖത്തര് ഇന്ത്യന് എംബസിയുടെ കീഴിലുള്ള ഇന്ത്യന് ബിസിനസ് ആന്ഡ് പ്രൊഫഷണല് കൗണ്സിലുമായി (ഐ ബി പി സി) അഫിലിയേറ്റ് ചെയ്ത സംഘടനയാണ്. കഴിഞ്ഞ 25 വര്ഷത്തിലധികമായി സാങ്കേതിക വിദ്യാഭ്യാസവും നേതൃത്വ വികസനവും ലക്ഷ്യമാക്കി നിരവധി പരിപാടികള് സംഘടിപ്പിച്ചുവരുന്ന സംഘടനയാണ് അനെക്സ് ഖത്തര്.
