ആലുവ: സീപോര്ട്ട് എയര്പോര്ട്ട് റോഡിന്റെ രണ്ടാം ഘട്ടമായ എന് എ ഡി മുതല് മഹിളാലയം വരെയുള്ള ഭാഗത്തെ 74.41 ഏക്കര് സ്ഥലം ഏറ്റെടുക്കാന് ആവശ്യമായ അധിക തുക കിഫ്ബിയില് നിന്നും അനുവദിക്കുവാന് ആവശ്യമായ നടപടികള് സ്വീകരിക്കണമെന്ന് ആവശ്യപ്പെട്ട് അന്വര് സാദത്ത് എം എല് എ മുഖ്യമന്ത്രി, ധനകാര്യ മന്ത്രി, കിഫ്ബി സി ഇ ഒ എന്നിവര്ക്ക് കത്തെഴുതി.
പുതിയ വാല്യൂവേഷന് അനുസരിച്ച് സ്ഥലം ഏറ്റെടുക്കുന്നതിന് ഏകദേശം 1000 കോടി രൂപ വേണ്ടി വരും. നിലവില് കിഫ്ബിയില് നിന്നും 437.28 കോടി രൂപയാണ് റോഡ്സ് ആന്ഡ് ബ്രിഡ്ജസ് കോര്പ്പറേഷന് അനുവദിച്ചത്.
സ്ഥലമേറ്റെടുക്കുന്നതിന് അധിക തുക അനുവദിച്ചാല് മാത്രമേ ഈ പദ്ധതി സമയബന്ധിതമായി തീര്ക്കുവാന് കഴിയുകയുള്ളു എന്നും കത്തില് സൂചിപ്പിച്ചു.
