ഭോപ്പാല്: ഭോപ്പാലില് കമലാ നെഹ്റു ആശുപത്രിയിലെ കുട്ടികളുടെ യൂണിറ്റിലുണ്ടായ തീ പിടിത്തത്തില് നാല് നവജാത ശിശുക്കള് പൊള്ളലേറ്റ് മരിച്ചു. ഇന്നലെ രാത്രിയാണ് അപകടമുണ്ടായത്.
ഷോര്ട്ട് സര്ക്യൂട്ടാണ് അപകടത്തിന് കാരണമെന്നാണ് പ്രാഥമിക നിഗമനം. സംഭവത്തില് മധ്യപ്രദേശ് സര്ക്കാര് ഉന്നതതല അന്വേഷണത്തിന് ഉത്തരവിട്ടു.
ആശുപത്രി കെട്ടിടത്തിന്റെ മൂന്നാം നിലയില് പ്രവര്ത്തിക്കുന്ന കുട്ടികളുടെ യൂണിറ്റില് തീ പിടിച്ചതിന് പിന്നാലെ പത്ത് ഫയര് എന്ജിനുകള് സ്ഥലത്തെത്തിയാണ് തീയണച്ചത്.
അപകടത്തില് മുഖ്യമന്ത്രി ശിവ്രാജ് സിങ് ചൗഹാന് ദുഃഖം രേഖപ്പെടുത്തി. മരിച്ച കുഞ്ഞുങ്ങളുടെ കുടുംബങ്ങള്ക്ക് നാല് ലക്ഷം രൂപ വീതം നഷ്ടപരിഹാരം പ്രഖ്യാപിച്ചു.
