കൊച്ചി: ഷെയ്ന് നിഗം, വിനയ് ഫോര്ട്ട് എന്നിവരെ പ്രധാന കഥാപാത്രങ്ങളാക്കി ടി കെ രാജീവ് കുമാര് സംവിധാനം ചെയ്യുന്ന ചിത്രം ‘ബര്മുഡ’യുടെ ടീസര് പുറത്തിറങ്ങി. ഷെയ്നും ഒരു കൂട്ടം പൂച്ചകളും നിറയുന്ന ഉദ്വേഗം ജനിപ്പിക്കുന്ന ടീസറാണ് പുറത്തിറങ്ങിയിരിക്കുന്നത്. ചിത്രം ഓഗസ്റ്റ് 19ന് പ്രേക്ഷകര്ക്ക് മുന്നിലേക്കെത്തും. ചിത്രത്തില് നടന് മോഹന്ലാല് ഗായകനായി എത്തുന്നുണ്ട് എന്ന പ്രത്യേകതയും ഉണ്ട്. തുയേറ്ററിലെ സിനിമാനുഭവം ഓര്മ്മിപ്പിക്കുന്ന ബര്മ്മുഡ ടീസറുകള്, ഉണര്ത്ത് പാട്ടുകള് എന്നിവ ഇതിനോടകം ഏറെ പ്രേക്ഷകശ്രദ്ധ നേടിയിരുന്നു.
സൈജു കുറുപ്പ്, സുധീര് കരമന, മണിയന്പിള്ള രാജു, ഇന്ദ്രന്സ്, സാജല് സുദര്ശന്, ദിനേഷ് പണിക്കര്, കോട്ടയം നസീര്, നന്ദു, നിരഞ്ജന അനൂപ്, ഗൗരി നന്ദ, നൂറിന് ഷെറീഫ്, ഷൈനി സാറ തുടങ്ങിയവരാണ് മറ്റു കഥാപാത്രങ്ങളെ അവതരിപ്പിക്കുന്നത്. വിനായക് ശശികുമാര്, ബീയാര് പ്രസാദ് എന്നിവരുടെ വരികള്ക്ക് സംഗീതം പകര്ന്നിരിക്കുന്നത് രമേഷ് നാരായണനാണ്.
ഹാസ്യത്തിന് പ്രാധാന്യമുള്ള ചിത്രത്തിന്റെ തിരക്കഥ ഒരുക്കുന്നത്. കൃഷ്ണദാസ് പങ്കിയാണ്. ബാദുഷ സിനിമാസ്, 24 ഫ്രെയിംസ് എന്നീ ബാനറുകളില് സൂരജ് സി കെ, ബിജു സി ജെ, ബാദുഷ എന് എം, ഷിനോയ് മാത്യു എന്നിവര് ചേര്ന്നാണ് നിര്മ്മിക്കുന്നത്.
അഴകപ്പന് ആണ് ഛായാഗ്രഹണം. ശ്രീകര് പ്രസാദ് എഡിറ്റിംഗ് നിര്വഹിച്ചിരിക്കുന്ന ചിത്രത്തിന്റെ കലാസംവിധാനം ദിലീപ് നാഥ് ആണ്. വസ്ത്രാലങ്കാരം: സമീറ സനീഷ്, മേക്കപ്പ്: അമല് ചന്ദ്രന്, ചീഫ് അസോസിയേറ്റ് ഡയറക്ടര്: രാജേഷ് കെ പാര്ഥന്, ഷൈനി ബെഞ്ചമിന്, അസോസിയേറ്റ് ഡയറക്ടര്: അഭി കൃഷ്ണ, പ്രൊഡക്ഷന് കണ്ട്രോളര്: പ്രതാപന് കല്ലിയൂര്, കൊറിയോഗ്രഫി: പ്രസന്ന സുജിത്ത്, പ്രൊഡക്ഷന് എക്സിക്യൂട്ടീവ്: ഹര്ഷന് പട്ടാഴി, പ്രൊഡക്ഷന് മാനേജര്: നിധിന് ഫ്രെഡി, പി ആര് ഒ: പി ശിവപ്രസാദ്, സ്റ്റില്സ്: പ്രേംലാല് പട്ടാഴി എന്നിവരാണ് മറ്റ് അണിയറ പ്രവര്ത്തകര്.
