തലക്കുളത്തൂര്: പ്രവര്ത്തന മികവിന്റെ അംഗീകാരമായി തലക്കുളത്തൂര് സി എം എം എച്ച് എസ് എസ് ഗൈഡ്സ് യൂണിറ്റിന് സംസ്ഥാനതല ചീഫ് മിനിസ്റ്റേഴ്സ് ഷീല്ഡ് പുരസ്കാരം. 2020-22 വര്ഷത്തെ യൂണിറ്റിന്റെ പ്രവര്ത്തനങ്ങള് പരിഗണിച്ചുകൊണ്ടാണ് അംഗീകാരം ലഭിച്ചത്.
പുതുതലമുറയില് നേതൃപാടവം, ആത്മവിശ്വാസം, സേവന സന്നദ്ധത, കാരുണ്യം, സഹജീവി സ്നേഹം, ജൈവ പച്ചക്കറി കൃഷി പ്രോത്സാഹനം, തൊഴില് നൈപുണി വികസനം തുടങ്ങിയ നിരവധി സവിശേഷതകള് പകര്ന്നു നല്കിക്കൊണ്ട് നടത്തിയ പ്രവര്ത്തനങ്ങള്ക്കാണ് അംഗീകാരം.
2017- 2019 വര്ഷത്തിലും ഗൈഡ്സ് യൂണിറ്റിന് സംസ്ഥാന പുരസ്കാരം ലഭിച്ചിരുന്നു. ഇത് രണ്ടാം തവണയാണ് യൂണിറ്റിന് ഈ നേട്ടം കൈവരുന്നത് ഗൈഡ്സ് ക്യാപ്റ്റന് അനുപമ വി.ടിയുടെ നേതൃത്തിലാണ് മികവുറ്റ പ്രവര്ത്തനങ്ങള് കാഴ്ച വെക്കുന്നത്. 2020-22 വര്ഷത്തില് ശ്രദ്ധേയമായ പ്രവര്ത്തനത്തിന് സ്കൂളിലെ സ്കൗട്ട്സ് യൂണിറ്റിന് ജില്ലാതല ചീഫ് മിനിസ്റ്റേഴ്സ് ഷീല്ഡ് പുരസ്കാരം ലഭിച്ചിട്ടുണ്ട്.
