Special
വിദ്യാര്‍ഥികളുടെ അമിതവും അനിയന്ത്രിതവുമായ സ്മാര്‍ട് ഫോണ്‍ ഉപയോഗം രാസ ലഹരിക്ക് അടിമപ്പെടുന്നതിന് തുല്യം
മനുഷ്യരാശിയുടെ മുന്നോട്ടുള്ള പരിണാമത്തില്‍ നടന്ന ഏറ്റവും വലിയ വിപ്ലവം കമ്മ്യൂണിക്കേഷന്‍ വിപ്ലവമാണ്. പരസ്പരമുള്ള ആശയവിനിമയ രംഗത്ത് നടന്നത് വലിയ വികസനവും വന്‍ മാറ്റങ്ങളുമാണ്. അതിപുരാതന മനുഷ്യന്റെ ആശയ വിനിമയം കല്ലില്‍ കൊത്തിവച്ച കോലങ്ങളില്‍ നിന്നും ആംഗ്യ ഭാഷയിലേക്കും ശബ്ദങ്ങളിലേക്കും കടന്ന് വിവിധ ദശകളിലൂടെ സഞ്ചരിച്ച് നാം ഇന്നു കാണുന്ന അനേകം ഭാഷകളിലെത്തിയത്.
ആ ഭാഷകളിലൂടെ വേഗത്തിലും എളുപ്പത്തിലും വിനിമയം ചെയ്യുവാന്‍ വ്യത്യസ്ത ഉപകരണങ്ങളും മാര്‍ഗ്ഗങ്ങളും ഓരോ കാലഘട്ടത്തിലും മനുഷ്യന്‍ കïു പിടിച്ചു ഇന്ന് സ്മാര്‍ട് ഫോണുകളില്‍ നാം എത്തി നില്‍ക്കുന്നു.
സ്മാര്‍ട് ഫോണ്‍ വിദ്യാര്‍ഥികളുടെയും വ്യക്തികളുടേയും ജീവിതത്തില്‍ വില്ലനാകുന്നു. സമൂഹത്തിന്റെ സമസ്ത മേഖലകളിലും ഗുണപരമായ ഒട്ടനവധി സേവനങ്ങള്‍ നല്‍കി മനുഷ്യജീവിതത്തെ കൂടുതല്‍ ബന്ധിപ്പിക്കുമ്പോഴും സദുദ്ദേശ്യത്തിനായി ഉപകരിക്കേണ്ട ഉപകരണം ദുരുദ്ദേശ്യങ്ങളിലും കുറ്റകൃത്യങ്ങളിലും ഏര്‍പ്പെടുന്ന ശൃംഗലകളിലേക്കും നല്ലതോതില്‍ വഴിമാറി ഉപയോഗിക്കപ്പെടുന്നു.
സ്‌കൂളുകളിലും സ്‌കൂളിന് പുറത്തും വിദ്യാര്‍ഥികളുടെ അമിതവും അനിയന്ത്രിതവുമായ സ്മാര്‍ട് ഫോണ്‍ ഉപയോഗം രാസലഹരിക്കടിമപ്പെടുന്നതിന് തുല്യമെന്ന് പഠനങ്ങള്‍ പറയുന്നു.
സ്മാര്‍ട് ഫോണുകളില്‍ പഠനേതര ആവശ്യങ്ങള്‍ക്കുപരി ചിലവഴിക്കുന്ന സ്‌ക്രീം ടൈം ക്രമാതീതമായി വര്‍ധിച്ചതായി പുതിയ പഠനങ്ങള്‍ പറയുന്നു. വിദ്യാര്‍ഥികളുടെ പഠന നിലവാരത്തേയും ശാരീരിക മാനസികാരോഗ്യത്തേയും ഇത് അപകടകരമായ രീതിയില്‍ ബാധിച്ചിരിക്കുന്നു.
ഡിജിറ്റല്‍ കണക്ടിവിറ്റി ആധുനിക വിദ്യാഭ്യാസത്തിന്റെ ഒരു പ്രധാന ഘടകമായി മാറിയിരിക്കുമ്പോള്‍ തന്നെ വിദ്യാര്‍ഥികളുടെ ശ്രദ്ധാശൈഥില്യവും മാനസിക ശാരീരിക ആരോഗ്യത്തേയും സ്മാര്‍ട് ഫോണ്‍ ഉപയോഗം കാര്യമായി ബാധിക്കുന്നതായി വിവിധ പഠനങ്ങളില്‍ കാണുന്നു.
സ്മാര്‍ട് ഫോണുകളുടെ അമിത ഉപയോഗം വിദ്യാര്‍ഥികളുടെ പൊതു ക്ഷേമത്തേയും അക്കാദമിക്ക് നിലവാരത്തേയും അവരുടെ സാമൂഹിക കഴിവുകളേയും ബാധിച്ചിരിക്കുന്നു.
കലാകായിക ശാസ്ത്ര രംഗങ്ങളില്‍ പുതിയ പ്രതിഭകളുടെ എണ്ണത്തില്‍ കാര്യമായ വളര്‍ച്ചയില്ല. ഗുണപരമായ വ്യക്തിത്വ വികസനത്തേയും സര്‍ഗശേഷിയുടെ വികാസത്തേയും അമിതമായ സ്‌ക്രീന്‍ ടൈം അപഹരിക്കുന്നു. സൈബര്‍ ഭീഷണിയും ഉത്ക്കണ്ഠയും വിഷാദവും കുട്ടികള്‍ അനുഭവിക്കേണ്ടിവരുന്നതായി റിപ്പോര്‍ട്ടുകള്‍ പറയുന്നു.
വിദ്യാലയങ്ങളില്‍ മോബൈല്‍ ഫോണ്‍ പൂര്‍ണ്ണമായും നിരോധിക്കണമെന്നാവശ്യപ്പെട്ട് ഒരുപറ്റം മാതാപിതാക്കള്‍ നല്‍കിയ ഹര്‍ജിയില്‍ സമ്പൂര്‍ണ്ണ നിരോധനം അസാധ്യമെന്ന് ദല്‍ഹി ഹൈകോടതി മാര്‍ച്ച് മൂന്നിലെ വിധിയില്‍ പറയുന്നു.
എന്നാല്‍ ഡിജിറ്റല്‍ ആക്‌സസിന്റെ പതിയിരിക്കുന്ന അപകടങ്ങളെ അംഗീകരിച്ചുകൊണ്ടു തന്നെ സ്‌കൂളുകളിലും വിദ്യാഭ്യാസ സ്ഥാപനങ്ങളിലും കര്‍ശന നിബന്ധനകളടങ്ങിയ ചട്ടകൂടിന് വിധേയമായി മാത്രമേ മൊബൈല്‍ ഫോണ്‍ ഉപയോഗം അനുവദിക്കാവു എന്ന് ദല്‍ഹി ഹൈക്കോടതി പറഞ്ഞു.
ആരോഗ്യകരമായ പഠനാന്തരീക്ഷത്തില്‍ വിദ്യാഭ്യാസ കാര്യങ്ങളില്‍ സാങ്കേതിക വിദ്യയുടെ പങ്ക് സന്തുലിതമാക്കാന്‍ സര്‍ക്കാരുകളും സ്‌കൂളുകളും ശ്രമിക്കുമ്പോള്‍ സമ്പൂര്‍ണ്ണ നിരോധനമെന്ന ആശയം അപ്രായോഗികമാവുമെന്ന് കോടതി നിരീക്ഷിച്ചു.
ഇന്ത്യയുടെ വിശാലവും വൈവിധ്യ പൂര്‍ണ്ണവുമായ വിദ്യാഭ്യാസ ഭൂപ്രകൃതി കണക്കിലെടുത്ത് സമ്പൂര്‍ണ്ണ നിരോധനം അപ്രായോഗികവും നടപ്പിലാക്കാന്‍ പ്രയാസവുമാകുമെന്ന് ഹൈക്കോടതി വിധിയില്‍ പറയുന്നു.
വ്യക്തമായ വ്യവസ്ഥകളിലൂടേയും കര്‍ശനമായ നിയന്ത്രണങ്ങളിലൂടെയും വിദ്യാര്‍ഥികളുടെ സ്മാര്‍ട് ഫോണ്‍ ഉപയോഗം നിയന്ത്രിക്കുവാന്‍ കഴിയുമെന്ന് കോടതി പറഞ്ഞു.
കോടതി നിശ്ചയിച്ച പുതിയ മാര്‍ഗ്ഗനിര്‍ദ്ദേശങ്ങള്‍ പ്രകാരം സ്മാര്‍ട്ട് ഫോണുകള്‍ കൈവശം വെയ്ക്കാം എന്നാല്‍ സ്‌കൂളില്‍ എത്തുമ്പോള്‍ അവ സ്‌കൂള്‍ ഏര്‍പ്പെടുത്തിയ സംവിധാനങ്ങളില്‍ നിക്ഷേപിക്കുക. ദിവസത്തിന്റെ അവസാനത്തില്‍ അവ തിരിച്ചെടുക്കുക.
ക്ലാസ് മുറികളിലോ വിനോദ ആവശ്യങ്ങള്‍ക്കൊ സ്മാര്‍ട് ഫോണ്‍ ഉപയോഗിക്കാനാവില്ല.
വ്യക്തിയുടെ സ്വകാര്യതയും സൈബര്‍ ഭീഷണിയും തടയുന്നതിന് സ്‌കൂള്‍ പരിസരത്ത് ഫോട്ടോഗ്രാഫിയും വീഡിയോ റെക്കോര്‍ഡിംഗ് കര്‍ശനമായി നിരോധിച്ചിരിക്കുന്നു.
സ്മാര്‍ട്ട് ഫോണ്‍ നയങ്ങള്‍ രൂപീകരിക്കുമ്പോള്‍ രക്ഷിതാക്കള്‍, അധ്യാപകര്‍, മനഃശാസ്ത്രജ്ഞര്‍ എന്നിവരുടെ അഭിപ്രായങ്ങള്‍ ഉറപ്പുവരുത്തണം.
ഫോണ്‍ ഉപയോഗിക്കാനുള്ള പ്രത്യേകവകാശം താത്ക്കാലികമായി സസ്‌പെന്‍ഡ് ചെയ്യല്‍ അല്ലെങ്കില്‍ കണ്ടുകെട്ടല്‍, നിയമ ലംഘനങ്ങള്‍ക്ക് പിഴ ചുമത്തല്‍ എന്നീ അധികാരങ്ങള്‍ സ്‌കൂളുകള്‍ക്കുണ്ടായിരിക്കുന്നതാണെന്നും കോടതി വിധിയില്‍ പറയുന്നു.
രാജ്യത്തെ പല വിദ്യാഭ്യാസ സ്ഥാപനങ്ങള്‍ സ്‌കൂളുകളില്‍ മോബൈല്‍ ഫോണുകളുടെ ഉപയോഗം നിരോധിച്ചിട്ടുണ്ട്.
സ്മാര്‍ട് ഫോണുകളുടെ അമിത ഉപയോഗം ഇന്ത്യന്‍ വിദ്യാര്‍ഥികളെ എങ്ങിനെ ബാധിക്കുന്നു എന്ന് അക്കാദമിക് വിദഗ്ധര്‍ക്ക് അപ്പുറം ഭയപ്പെടുത്തുന്ന റിപ്പോര്‍ട്ടുകളാണ് മെഡിക്കല്‍ മേഖലയില്‍ നിന്നും ലഭ്യമാവുന്നത്. വിദ്യാര്‍ഥികള്‍ക്കിടയില്‍ അമിതമായ സ്മാര്ട്ട്ഫോണ് ഉപയോഗം ഗുരുതരമായ ആരോഗ്യപ്രശ്‌നങ്ങള്‍ ഉയര്‍ത്തിയിട്ടുണ്ട്. നീണ്ട സ്‌ക്രീന്‍ സമയം പോസ്ചറല്‍ ഡിസോര്‍ഡേഴ്‌സ്, കാഴ്ച പ്രശ്‌നങ്ങള്‍, മാനസികാരോഗ്യ പ്രശ്‌നങ്ങള്‍ എന്നിവയ്ക്ക് കാരണമാകുമെന്ന് മെഡിക്കല്‍ പ്രൊഫഷണലുകള്‍ മുന്നറിയിപ്പ് നല്‍കുന്നു.
മുംബൈയിലെ കോകിലാബെന്‍ ധീരുഭായ് അംബാനി ഹോസ്പിറ്റലിലെ നട്ടെല്ല് ശസ്ത്രക്രിയാ വിഭാഗം മേധാവി ഡോ. വിശാല്‍ പെഷട്ടിവാര്‍ പറയുന്നതനുസരിച്ച് കുട്ടികളുടെ നെക്ക്, സ്‌പോണ്ടിലോസിസ്, സ്ലിപ്പ് ഡിസ്‌കുകള്‍, നട്ടെല്ല് സംബന്ധമായ പ്രശ്‌നങ്ങള്‍ വര്‍ധിച്ചു വരുന്നതായി കണ്ടെത്തുന്നു.
‘ഒരുകാലത്ത് മധ്യവയസ്‌കരായ മുതിര്‍ന്നവരില്‍ മാത്രം കണ്ടിരുന്ന അവസ്ഥകള്‍ക്കായി ഞങ്ങള്‍ ഇപ്പോള്‍ 10 വയസ്സ് പ്രായമുള്ള കുട്ടികളെ ചികിത്സിക്കുന്നു,’ അദ്ദേഹം പറയുന്നു. കുറ്റവാളിയോ? സ്മാര്‍ട് ഫോണുകള്‍ തന്നെ.
സ്‌കൂളിന് അകത്തും പുറത്തും സ്‌ക്രീനുകളിലേക്ക് നോക്കി മണിക്കൂറുകള്‍. സ്‌കൂള്‍ കുട്ടികളില്‍ ഉത്കണ്ഠ, വിഷാദം, സാമൂഹികമായ പിന്മാറ്റം എന്നീ പ്രശ്‌നങ്ങള്‍ കുത്തനെ വര്‍ധിക്കുന്നതായി ഡെവലപ്മെന്റല്‍ പീഡിയാട്രീഷ്യന്‍ ഡോ. സമീര്‍ ഹസന്‍ ദല്‍വായി നിരീക്ഷിച്ചു. ‘സാമൂഹിക ക്രമീകരണങ്ങളില്‍ പോലും കുട്ടികള്‍ അവരുടെ സ്‌ക്രീനുകളില്‍ കൂടുതല്‍ ഒട്ടിപ്പിടിക്കുന്നു, ഇത് അവശ്യ ആശയവിനിമയ കഴിവുകളുടെ അപചയത്തിലേക്ക് നയിക്കുന്നു,’ അദ്ദേഹം വിശദീകരിക്കുന്നു.
സ്മാര്ട്ട്ഫോണ് ആസക്തി ലഹരിവസ്തുക്കളുടെ ആശ്രിതത്വത്തോട് സാമ്യമുള്ളതാണെന്ന് അദ്ദേഹം മുന്നറിയിപ്പ് നല്‍കുന്നു, ‘ഒരു കുട്ടിക്ക് സ്മാര്‍ട്ട്ഫോണിലേക്ക് പരിധിയില്ലാത്ത ആക്സസ് നല്‍കുന്നത് ഒരു ആസക്തിയുള്ള പദാര്‍ഥത്തിലേക്ക് അവരെ പരിചയപ്പെടുത്തുന്നതിന് സമാനമാണ്. അത് അവരുടെ ശ്രദ്ധ കേന്ദ്രീകരിക്കാനും ഉറങ്ങാനും യഥാര്‍ഥ ലോകവുമായി ഇടപഴകാനുമുള്ള അവരുടെ കഴിവിനെ തടസ്സപ്പെടുത്തുന്നു.’
കുട്ടികളില്‍ മയോപിയ (ഹ്രസ്വദൃഷ്ടി) വര്‍ധിക്കുന്നതായി നേത്രരോഗവിദഗ്ദ്ധരും കാണുന്നു. കോവിഡ് പാന്‍ഡമിക്കിന് ശേഷം കുട്ടിക്കാലത്തെ മയോപിയ അഞ്ചിരട്ടിയായി വര്‍ധിച്ചതിന് മറുപടിയായി ഒപ്ടോമെട്രി കൗണ്‍സില്‍ ഓഫ് ഇന്ത്യ (ഒസിഐ) ഒരു ദേശീയ മയോപിയ ബോധവത്കരണ പരിപാടി ആരംഭിച്ചു.
അമിതമായ സ്‌ക്രീന്‍ എക്സ്പോഷറും ഔട്ട്ഡോര്‍ പ്രവര്‍ത്തനങ്ങളുടെ അഭാവവുമാണ് ഈ പ്രതിസന്ധിക്ക് കാരണമെന്ന് താനെയിലെ ശ്രീരാമകൃഷ്ണ നേത്രാലയ ഡയറക്ടര്‍ ഡോ. നിതിന്‍ ദേശ്പാണ്ഡെ പറയുന്നു. ‘ആരോഗ്യകരമായ കണ്ണുകളുടെ വികാസത്തിന് പ്രകൃതിദത്തമായ വെളിച്ചം അത്യാവശ്യമാണ്, എന്നാല്‍ പല കുട്ടികളും അവരുടെ ദിവസം മുഴുവന്‍ സ്‌ക്രീനുകളില്‍ ചെലവഴിക്കുന്നു- പഠനത്തിനായാലും വിനോദത്തിനായാലും. ഇത് നേരത്തെയുണ്ടാകുന്ന കാഴ്ച പ്രശ്നങ്ങളുടെ വര്‍ധനവിന് കാരണമാകുന്നു,’ അദ്ദേഹം വിശദീകരിക്കുന്നു.
ചില ഇന്ത്യന്‍ സ്‌കൂളുകള്‍ ഇതിനകം തന്നെ ഫോണ്‍ രഹിത നയങ്ങള്‍ നടപ്പിലാക്കിയിട്ടുണ്ട്. മറ്റുള്ളവര്‍ ആരോഗ്യകരമായ ഡിജിറ്റല്‍ ശീലങ്ങള്‍ വളര്‍ത്തിയെടുക്കാന്‍ വിദ്യാര്‍ഥികളെ സഹായിക്കുന്നതിന് ഡിജിറ്റല്‍ സാക്ഷരതാ പരിപാടികള്‍ അവതരിപ്പിക്കുന്നു. വിദ്യാഭ്യാസത്തിനായി സാങ്കേതികവിദ്യ പ്രയോജനപ്പെടുത്തുന്നതും അതിന്റെ ദുരുപയോഗം തടയുന്നതും തമ്മിലുള്ള സന്തുലിതാവസ്ഥ കൈവരിക്കുന്നതിലാണ് വെല്ലുവിളി.
സംവാദം തുടരുമ്പോള്‍, വര്‍ധിച്ചുവരുന്ന തെളിവുകള്‍ വ്യക്തമാണ്: അനിയന്ത്രിതമായ സ്മാര്ട്ട്ഫോണ് ആക്സസ് വിദ്യാര്‍ഥികളുടെ അക്കാദമിക് ശ്രദ്ധ, ശാരീരിക ആരോഗ്യം, മാനസിക ക്ഷേമം എന്നിവയെ പ്രതികൂലമായി ബാധിക്കുന്നു. നിരോധനങ്ങളിലൂടെയോ ഘടനാപരമായ നിയന്ത്രണങ്ങളിലൂടെയോ ആകട്ടെ, ഇന്ത്യയിലെ വിദ്യാഭ്യാസ സമ്പ്രദായം സ്‌കൂളുകളില്‍ സ്മാര്‍ട്ട്ഫോണുകളുടെ പങ്ക് നിര്‍വചിക്കുന്ന ഒരു വഴിത്തിരിവിലാണ്. വിദ്യാര്‍ഥികള്‍ സാങ്കേതിക വിദ്യയെ ഉത്തരവാദിത്തത്തോടെ ഉപയോഗിക്കുന്നുവെന്ന് ഉറപ്പാക്കുന്നതിലേക്ക് ശ്രദ്ധ ഇപ്പോള്‍ മാറുന്നു- ശ്രദ്ധ വ്യതിചലിപ്പിക്കുന്നതിനും ആസക്തിക്കുമുള്ള ഒരു സ്രോതസ്സ് എന്നതിലുപരി പഠനത്തിനു
ള്ള ഒരു ഉപകരണമായി സ്മാര്‍ട് ഫോണുകളെ മാറ്റണം.
മദ്യ രാസ ലഹരിക്കടിമപ്പെടുന്നതിന് തുല്യമായ രീതിയിലാണ് നമ്മുടെ കുട്ടികളുടെ സ്മാര്‍ട് ഫോണ്‍ ഉപയോഗത്തിലുള്ള അടിമത്തമെന്ന ശാസ്ത്രീയമായ കണ്ടെത്തല്‍ ഭീതിപ്പെടുത്തുന്നതാണ്.
നാളെയുടെ നല്ല നേതാക്കളേയും കലാകായിക, ശാസ്ത്ര പ്രതിഭകളേയും സന്മാര്‍ഗിക സമൂഹത്തേയും സൃഷ്ടിക്കേണ്ട, നയിക്കേണ്ട വിദ്യാര്‍ഥി യുവജന സമൂഹം പ്രയോജനമില്ലാത്ത ഫലങ്ങള്‍ക്കായി അമിതവും അനിയന്ത്രിതവുമായി സ്മാര്‍ട് ഫോണുകളില്‍ സ്‌ക്രീന്‍ ടൈം ചിലവഴിക്കുന്നത് നാടിന്റെ നല്ല ഭാവിക്കും പുരോഗതിക്കും നാശമുണ്ടാക്കും.
സര്‍ക്കാരും സ്‌കൂള്‍ കലാലയ അധികൃതരും മാതാപിതാക്കളും ഒത്തു ചേര്‍ന്ന് രാസലഹരിയുടേയും സ്മാര്‍ട് ഫോണ്‍ ലഹരിയുടേയും പിടിയില്‍ നിന്ന് രക്ഷിക്കാനുള്ള മാര്‍ഗ്ഗങ്ങള്‍ അവലംബിച്ച് തലമുറകളേയും നാടിനേയും രക്ഷിക്കണം. അതിലേക്ക് രാജ്യത്തെ വിദ്യാഭ്യാസ സ്ഥാപനങ്ങള്‍ക്കായി ഏകീകൃത ചട്ടകൂടുണ്ടാക്കി നിയമ നിര്‍മ്മാണം നടത്തി കര്‍ശനമായി നടപ്പാക്കാനുള്ള നടപടികള്‍ സ്വീകരിക്കണം.
