കൊച്ചി: പാലാരിവട്ടം സൗത്ത് ജനത റോഡ് റെസിഡന്റ്സ് അസോസിയേഷന്റെ കുടുംബ സംഗമവും ഓണാഘോഷവും പാലാരിവട്ടം സെന്റ്. മാര്ട്ടിന് പാരിഷ് ഹാളില് നടത്തി. കുടുംബ സംഗമം കൊച്ചി മേയര് അഡ്വ. മിനി മോളും ഓണാഘോഷം കൗണ്സിലര് അഡ്വ. ദീപ്തി മേരി വര്ഗീസും ഉദ്ഘാടനം ചെയ്തു.
ഓണാഘോഷത്തോടനുബന്ധിച്ചു അംഗങ്ങളുടെ വിവിധ കലാപരിപാടികളും തിരുവാതിരയും അവതരിപ്പിച്ചു. വിഭവ സമൃദ്ധമായ ഓണ സദ്യയും ഒരുക്കിയിരുന്നു. സഹോദര്യത്തിന്റെയും ഐക്യത്തിന്റെയും മതേതരത്വത്തിന്റെയും സന്ദേശമാണ് ഓണം നല്കുന്നതെന്നു മേയര് സൂചിപ്പിച്ചു.
പ്രസിഡന്റ് അഡ്വ. സുധീഷ് കുമാര് അധ്യക്ഷത വഹിച്ചു. സെക്രട്ടറി പ്രൊഫ. ജേക്കബ് കുര്യന് സ്വാഗതവും ട്രഷറര് സഹസ്രനാമന് നന്ദിയും പറഞ്ഞു. വൈസ് പ്രഡിഡന്റ് വിനോദ് കുമാര്, ജോയിന്റ് സെക്രട്ടറി റോയ്, ജോഷി,സാജന് എന്നിവര് പങ്കെടുത്തു. 35-ാം ഡിവിഷന് കൗണ്സിലര് ഗേളി റോബെര്ട്, പെട്രന് ഡോ. ജെയ്സണ് എന്നിവര് ആശംസകള് നേര്ന്നു.
