ദോഹ: 12 മാസത്തിനിടെ 50 ദശലക്ഷത്തിലധികം യാത്രക്കാര്ക്ക് സേവനം നല്കി ഹമദ് അന്താരാഷ്ട്ര വിമാനത്താവളം സുപ്രധാന നാഴികക്കല്ല് പിന്നിട്ടു. വിമാനത്താവളത്തിന്റെ 10-ാം വര്ഷത്തെ പ്രവര്ത്തനത്തിലാണ് ശ്രദ്ധേയമായ നേട്ടം.
ഖത്തര് ആസ്ഥാനമായുള്ള സൗകര്യത്തിന് 25 ശതമാനം പോയിന്റ്-ടു-പോയിന്റ് പാസഞ്ചര് പ്രവര്ത്തനങ്ങളുണ്ട്. മുന്വര്ഷത്തെ അപേക്ഷിച്ച് 2023-ല് 58 ശതമാനം വര്ധനവുണ്ടായെന്ന് ഖത്തര് ടൂറിസത്തിന്റെ റിപ്പോര്ട്ട് പറയുന്നു.
2023ല് ഹമദ് ഇന്റര്നാഷണല് എയര്പോര്ട്ട് മൂന്ന് പുതിയ എയര്ലൈന് പങ്കാളികളെ സ്വാഗതം ചെയ്തു. 2024ലെ ആദ്യ നാലു മാസത്തില് നാലു പങ്കാളികള് കൂടി ചേര്ന്നു. 2023ല് യാത്രക്കാര്, കാര്ഗോ, ചാര്ട്ടേഡ് ഫ്ളൈറ്റ് ഡെസ്റ്റിനേഷനുകള് എന്നിവയുള്പ്പെടെ 255 ലക്ഷ്യസ്ഥാനങ്ങളിലേക്ക് എയര്പോര്ട്ട് സര്വീസ് നടത്തി.
അടുത്തിടെ പ്രസിദ്ധീകരിച്ച എയര്പോര്ട്ട് കൗണ്സില് ഇന്റര്നാഷണല് (എ സി ഐ) ഏഷ്യ- പസഫിക്, മിഡില് ഈസ്റ്റ് എയര് കണക്റ്റിവിറ്റി റാങ്കിംഗ് 2023 പ്രകാരം മിഡില് ഈസ്റ്റിലെ രണ്ടാമത്തെ മികച്ച എയര് കണക്റ്റിവിറ്റിയാണ് ദോഹ. ലക്ഷ്യസ്ഥാനങ്ങളുടെ എണ്ണം, സേവനങ്ങളുടെ ആവൃത്തി, കണക്ഷനുകളുടെ ഗുണനിലവാരം എന്നിവ അനുസരിച്ചാണ് എയര് കണക്റ്റിവിറ്റി റാങ്കിംഗ് നിര്ണ്ണയിക്കുന്നത്. പ്രധാന എയര്ലൈനുകളെ ഹബ്ബില് നിന്നും അവയുടെ വിപുലമായ ആഗോള ശൃംഖലകളില് നിന്നും പ്രവര്ത്തിക്കാന് അനുവദിക്കുന്ന എയര്പോര്ട്ടിന്റെ മികച്ച സൗകര്യങ്ങളും സേവനങ്ങളും ഈ വിജയത്തിന്റെ ഭാഗമാണ്.
