ദോഹ: ഇന്ത്യന്‍ ബിസിനസ് ആന്‍ഡ് പ്രൊഫഷണല്‍സ് കൗണ്‍സില്‍ (ഐ ബി പി സി) മണ്‍ഡേ ബൈറ്റ്സ് പരമ്പരയുടെ 25-ാമത് സെഷന്‍ പൂര്‍ത്തിയാക്കി. തുടര്‍ച്ചയായ പഠനത്തിലൂടെയും ശക്തമായ നെറ്റ്വര്‍ക്കിംഗിലൂടെയും പ്രൊഫഷണല്‍ സമൂഹത്തെ കെട്ടിപ്പടുക്കുന്നതില്‍ സംഘടനയ്ക്കുള്ള പ്രതിബദ്ധതയുടെ തിളക്കമുള്ള അടയാളമാണ് ഈ ആഘോഷം.
24 ‘മണ്‍ഡേ ബൈറ്റ്സ്’ സെഷനുകളുടെ ഹ്രസ്വമായ അവലോകനം ഉള്‍പ്പെടുത്തി സമൂഹത്തിന്റെ കൂട്ടായ വളര്‍ച്ചയുടെ മനോഹരമായ ഓര്‍മ്മപ്പെടുത്തല്‍ അവലോകനം ചെയ്തു. കഴിഞ്ഞ വര്‍ഷങ്ങളില്‍ പങ്കുവെച്ച വിജ്ഞാന സമ്പന്നമായ യാത്രയെക്കുറിച്ചുള്ള ആഴത്തിലുള്ള ഉള്‍ക്കാഴ്ച നല്‍കി.
‘മണ്‍ഡേ ബൈറ്റ്സ്’ ഖത്തറിലെ ബിസിനസ് നേതാക്കള്‍ക്കും വിദഗ്ദ്ധര്‍ക്കും അറിവ് പങ്കിടാനുള്ള പ്രധാനപ്പെട്ട വേദിയായിരുന്നു. 25 സെഷനുകളിലായി 23 വിദഗ്ദ്ധ പ്രഭാഷകര്‍ വിവിധ വിഷയങ്ങളില്‍ അറിവ് പകര്‍ന്നുനല്‍കി. 1,300ലേറെ പേര്‍ പങ്കെടുത്ത പരിപാടികള്‍ ഇന്ത്യന്‍ പ്രവാസി സമൂഹത്തില്‍ പ്രൊഫഷണല്‍ വികസനത്തിനും വിജ്ഞാന കൈമാറ്റത്തിനുമുള്ള താത്പര്യമാണ് പ്രകടമാക്കിയത്.
മൂലധന വിപണി പരിചയം, ‘നിങ്ങളുടെ ഡിജിറ്റല്‍ ജീവിതം സുരക്ഷിതമാക്കാന്‍,’ ‘സംഭാഷണ വൈദഗ്ദ്ധ്യം നേടാന്‍,’ ‘ആരോഗ്യമേഖലയിലെ വിപ്ലവം: എ ഐയുടെ ഭാവി,’ ‘നിത്യജീവിതത്തിലെ നിര്‍ബന്ധിത സഹായി: എ ഐ’ തുടങ്ങിയ ധനകാര്യം, സാങ്കേതികവിദ്യ, വ്യക്തിഗത വളര്‍ച്ച തുടങ്ങിയ വിവിധ മേഖലകളിലെ വിഷയങ്ങള്‍ ഈ സെഷനുകളില്‍ ചര്‍ച്ച ചെയ്തു.
‘ഒരു ചെറിയ ആശയത്തില്‍ നിന്ന് തുടങ്ങിയ ഈ പരിപാടി, ബിസിനസ് നേതാക്കള്‍ക്കും പ്രൊഫഷണലുകള്‍ക്കും പഠിക്കാനും ബന്ധങ്ങള്‍ സ്ഥാപിക്കാനും വളരാനും സാധിക്കുന്ന മികച്ച വേദിയായി മാറിയിരിക്കുന്നു’വെന്ന് ഐ ബി പി സി ഖത്തര്‍ പ്രസിഡന്റ് താഹ മുഹമ്മദ് അബ്ദുല്‍ കരീം പറഞ്ഞു. ‘ഈ നാഴികക്കല്ല് സമൂഹത്തിന്റെയും തുടര്‍ച്ചയായ പഠനത്തിന്റെയും ശക്തിക്ക് ഒരു തെളിവാണ്. ഞങ്ങളുടെ പങ്കാളികളുടെ സജീവമായ പിന്തുണയാണ് ഈ വിജയത്തിന്റെ നിര്‍ണായക ഘടകം.’
