കൊച്ചി: ”മേളാഞ്ച് മര്‍ജിങ് മൈന്‍ഡ്‌സ്, മാഗ്‌നിഫൈയിങ് മിഷന്‍സ്” എന്ന വിഷയത്തില്‍ ഇന്നര്‍ വീല്‍ ഡിസ്ട്രിക്റ്റ് 320യുടെ ആഭിമുഖ്യത്തില്‍ കൊച്ചി ലെ മെറിഡിയന്‍ ഹോട്ടലില്‍ സംഘടിപ്പിച്ച ഇന്നര്‍ വീല്‍ സൗത്ത് സോണ്‍ മീറ്റ് 2025 സമാപിച്ചു.
പൂയം തിരുനാള്‍ ഗൗരി പാര്‍വതി ബായി മുഖ്യാതിഥിയായിരുന്നു. നയതന്ത്രജ്ഞന്‍ ടി. പി. ശ്രീനിവാസന്‍ മുഖ്യപ്രഭാഷണം നടത്തി. എസ്.സി.എം ചെയര്‍പേഴ്‌സണ്‍ ഡോ. മിനി വര്‍മ്മ സ്വാഗതം പറഞ്ഞു.
”ഞാന്‍ 83 വയസ്സ് കഴിഞ്ഞു, എങ്കിലും ഇന്നും നൃത്തത്തിനൊരുങ്ങിയിരിക്കുന്നു,” എന്ന പൂയം തിരുനാള്‍ ഗൗരി പാര്‍വതി ബായിയുടെ ഹാസ്യപ്രസംഗം പ്രേക്ഷകരുടെ കൈയടികളോടെയാണ് സ്വീകരിച്ചത്.
സേവന രംഗത്ത് പ്രത്യേക സംഭാവനകള്‍ നല്‍കിയ മാര്‍ഗരറ്റ് ഗോള്‍ഡിങ് അവാര്‍ഡ് വിതരണം ചെയ്ത്, വൈക്കം വിജയലക്ഷ്മിയെ ”വുമണ്‍ അച്ചീവര്‍” എന്ന നിലയില്‍ ആദരിച്ചു.
എ.പി. ജ്യോതി മഹിപാല്‍, ഡോ. ഗംഗാധരന്‍, ഡോ. ചിത്രതാര എന്നിവര്‍ ആരോഗ്യ ബോധവത്കരണ സെഷനുകള്‍ നയിച്ചു.
ഡിസ്ട്രിക്റ്റ് ചെയര്‍പേഴ്‌സണ്‍ സീമ കൃഷ്ണന്‍ സമാപനപ്രസംഗം നടത്തി. എ.വി.പി. വിനുത ഹരീഷ് നന്ദി പറഞ്ഞു. അസോസിയേഷന്‍ പ്രസിഡന്റ് ജ്യോതി മഹിപാല്‍ സമ്മേളനത്തിന്റെ അദ്ധ്യക്ഷത വഹിച്ചു.
മുന്‍ പ്രസിഡന്റ് ഗീത പദ്മനാഭന്‍, ഡിസ്ട്രിക്റ്റ് ചെയര്‍പേഴ്‌സണ്‍ സീമ കൃഷ്ണന്‍, സൗത്ത് സോണ്‍ മീറ്റ് ചെയര്‍പേഴ്‌സണ്‍ ഡോ. മിനി വര്‍മ്മ, കോണ്‍ഫറന്‍സ് ട്രഷറര്‍ വന്ദന ദീപേഷ്, കോണ്‍ഫറന്‍സ് സെക്രട്ടറി ഇന്ദു അമൃതരാജ് എന്നിവര്‍ പങ്കെടുത്തു.
