ദോഹ: ഖത്തറിലെ പ്രമുഖ ഗതാഗത കമ്പനിയായ മൊവാസലാത്ത് (കര്‍വ) ലോജിസ്റ്റിക്സിനായി ഇലക്ട്രിക് വാഹനങ്ങളുടെ സംയുക്ത ഗവേഷണത്തിനും വികസനത്തിനുമായി ബസ് നിര്‍മ്മാതാക്കളായ യുടോങ്ങുമായി ധാരണാപത്രം ഒപ്പുവച്ചു.
ഖത്തറില്‍ വൈദ്യുത വാണിജ്യ വാഹനങ്ങളുടെ ആപ്ലിക്കേഷന്റെ സംയുക്ത പ്രോത്സാഹനവും വികസനവും, വൈദ്യുതീകരണ പദ്ധതികളുടെ സംയുക്ത ഗവേഷണവും വികസനവും, ഇലക്ട്രിക് വാഹനങ്ങളുടെ സുരക്ഷിതമായ ഡ്രൈവിംഗും പ്രവര്‍ത്തനക്ഷമതയും സംബന്ധിച്ച സംയുക്ത ഗവേഷണവും ഉള്‍പ്പെടെ, ഇരു കമ്പനികളും തമ്മിലുള്ള സഹകരണത്തിന്റെ നിരവധി മേഖലകള്‍ ധാരണാപത്രം വിശദീകരിക്കുന്നു. കര്‍വ സി ഇ ഒ ഫഹദ് സാദ് അല്‍ ഖഹ്താനിയും യുടോങ് മിഡില്‍ ഈസ്റ്റ് സി ഇ ഒ ഷെന്‍ ഹുയിയും ധാരണാപത്രത്തില്‍ ഒപ്പുവച്ചു.
രാജ്യത്തോടുള്ള പാരിസ്ഥിതിക ഉത്തരവാദിത്തത്തെക്കുറിച്ചുള്ള ബോധ്യമുണ്ടെന്നും സഹകരണ മൊവാസലാത്ത് സി ഇ ഒ ഫഹദ് സാദ് അല്‍ ഖഹ്താനി പറഞ്ഞു. ശുദ്ധമായ ഊര്‍ജ്ജത്തിന്റെ ഉപയോഗം പ്രോത്സാഹിപ്പിക്കുകയും കാര്‍ബണ്‍ ഉദ്വമനം കുറയ്ക്കുകയും ചെയ്യുമെന്നും അദ്ദേഹം പറഞ്ഞു.
കഴിഞ്ഞ കുറച്ച് വര്‍ഷങ്ങളായി ഖത്തറില്‍ കാര്‍ബണ്‍ ബഹിര്‍ഗമനം കുറയ്ക്കുന്നതിനും ശുദ്ധ ഊര്‍ജം പ്രോത്സാഹിപ്പിക്കുന്നതിനും കര്‍വ പ്രതിജ്ഞാബദ്ധമാണ്. 2022-ലെ ഫിഫ ലോകകപ്പ് ഖത്തറിനായി പൊതുഗതാഗതത്തിനായി ഇ-ബസുകളുടെയും ഇ-ലിമോസിനുകളുടെയും ഉപയോഗം കമ്പനി വന്‍ വിജയത്തോടെ അവതരിപ്പിച്ചു.
