റിയാദ്: കൊവിഡിനെ തുടര്ന്ന് അടച്ചിട്ട സൗദി അറേബ്യയിലെ ഇന്ത്യന് സ്കൂളുകളില് നാ ളെ നേരിട്ടുള്ള ക്ലാസുകള് പുനഃരാരംഭിക്കും. 18 മാസത്തിന് ശേഷമാണ് ക്ലാസുകള് തുടങ്ങുന്നത്. കൊവിഡ് വാക്സിന് രണ്ട് ഡോസ് കുത്തിവെപ്പെടുത്ത വിദ്യാര്ഥികള്ക്കും അധ്യാപകര്ക്കും മാത്രമാണ് പ്രവേശനം. മറ്റുള്ള കുട്ടികള്ക്ക് നിലവിലെ ഓണ്ലൈന് ക്ലാസില് തുടരാവുന്നതാണ്.
വാക്സിനേഷന് പൂര്ത്തീകരിച്ച വിദ്യാര്ഥികള്ക്ക് നേരിട്ടുള്ള ക്ലാസില് വരാം.
എന്നാല് രക്ഷിതാക്കളുടെ സമ്മതപത്രവും രണ്ട് ഡോസ് വാക്സിനും സ്വീകരിച്ചതിന്റെ സര്ട്ടിഫിക്കറ്റിന്റെ കോപ്പിയും ഹാജരാക്കണം. രാവിലെ എട്ട് മുതല് ഉച്ചക്ക് 1.20 വരെയാണ് ജിദ്ദ ഇന്റര്നാഷണല് ഇന്ത്യന് സ്കൂളിന്റെ അധ്യയന സമയം ക്രമീകരിച്ചിട്ടുള്ളത്. ജിദ്ദയില് 10, 12 ക്ലാസുകളിലെ വിദ്യാര്ഥികള്ക്ക് തിങ്കളാഴ്ച മുതലും 9, 11 ക്ലാസുകളിലെ വിദ്യാര്ഥികള്ക്ക് ഈ മാസം 20 മുതലുമാണ് ക്ലാസുകള് ആരംഭിക്കുക.
ഇനിയൊരു അറിയിപ്പുണ്ടാകുന്നത് വരെ സ്കൂളിലെ ഗതാഗത സൗകര്യവും കാന്റീന് സൗകര്യവും ഉണ്ടായിരിക്കില്ലെന്ന് ജിദ്ദ ഇന്റര്നാഷണല് ഇന്ത്യന് സ്കൂള് പുറത്തിറക്കിയ സര്ക്കുലറില് വ്യക്തമാക്കി. ജൂബൈല് ഇന്റര്നാഷണല് ഇന്ത്യന് സ്കൂളില് പ്ലസ് വണ്, പ്ലസ് ടു ക്ലാസുകള് തിങ്കളാഴ്ച മുതല് ആരംഭിക്കും. ഈ മാസം 26 മുതലാണ് ജുബൈലില് 9, 10 ക്ലാസുകള് ആരംഭിക്കുക. ദമ്മാമിലെ ഇന്റര്നാഷണല് ഇന്ത്യന് സ്കൂളില് 12-ാം ക്ലാസ് തിങ്കളാഴ്ച തുടങ്ങും. 11-ാം ക്ലാസ് ചൊവ്വാഴ്ചയും ആരംഭിക്കും. 10ാം ക്ലാസ് ഈ മാസം 20നും, ഒമ്പതാം ക്ലാസ് 21നുമാണ് പ്രവര്ത്തിച്ച് തുടങ്ങുക. രാവിലെ 7.45 മുതല് ഉച്ചക്ക് 12.45 വരെയാണ് ദമ്മാം സ്കൂളിലെ സമയം ക്രമീകരിച്ചിട്ടുള്ളത്. മറ്റുള്ള ക്ലാസുകള് നിലവിലെ രീതിയില് ഓണ്ലൈനായി തുടരും.
