കോഴിക്കോട്: മീഡിയ വണ് ചാനലിന്റെ സംപ്രേഷണം കേന്ദ്ര വാര്ത്താ വിനിമയ മന്ത്രാലയം വീണ്ടും തടഞ്ഞു.
സുരക്ഷാ കാരണങ്ങള് ഉന്നയിച്ചാണ് കേന്ദ്രം ചാനലിന്റെ സംപ്രേഷണം തടഞ്ഞതെന്ന് മീഡിയ വണ് എഡിറ്റര് ഇന് ചീഫ് പ്രമോദ് രാമന് ഔദ്യോഗിക പേജിലൂടെ അറിയിച്ചു. ഉത്തരവിനെതിര മീഡിയ വണ് നിയമനടപടികള് ആരംഭിച്ചിട്ടുണ്ടെന്നും പ്രമോദ് രാമന് വിശദീകരിച്ചു.
നേരത്തെയും മീഡിയ വണ്ണിന് സംപ്രേക്ഷണത്തിന് വിലക്ക് ഉണ്ടായിരുന്നു. ഏഷ്യാനെറ്റ് ന്യൂസിനും മീഡിയ വണ്ണിനും 48 മണിക്കൂര് നേരത്തേക്കായിരുന്നു സംപ്രേഷണത്തിന് വിലക്ക് ഏര്പ്പെടുത്തിയിരുന്നത്. 2020 മാര്ച്ച് ആറാം തിയ്യതിയാണ് മിനിസ്ട്രി ഓഫ് ഇന്ഫര്മേഷന് ആന്റ് ബ്രോഡ്കാസ്റ്റിംഗ് ഉത്തരവിറക്കിയത്.
ഡല്ഹി കലാപവുമായി ബന്ധപ്പെട്ട് വാര്ത്തകള് നല്കിയതിനെ തുടര്ന്നാണ് ചാനലുകളെ 48 മണിക്കൂര് വിലക്കിയതെന്നാണ് മിനിസ്ട്രി ഓഫ് ഇന്ഫര്മേഷന് ആന്റ് ബ്രോഡ്കാസ്റ്റിംഗ് അന്ന് നല്കിയ നോട്ടീസില് ചൂണ്ടിക്കാട്ടിയിരുന്നത്.
കേബിശ ടി വി നെറ്റ്വര്ക്ക് റെഗുലേഷന് ആക്ട് ലംഘിച്ചെന്ന കാരണമായിരുന്നു നോട്ടീസില് ചൂണ്ടിക്കാട്ടിയിരുന്നത്. എഷ്യാനെറ്റിന്റെ റിപ്പോര്ട്ടറായ പി ആര് സുനില് കലാപം നിരന്തരം റിപ്പോര്ട്ട് ചെയ്തെന്നാണ് എഷ്യാനെറ്റിന് അയച്ചിരിക്കുന്ന നോട്ടീസില് പറഞ്ഞിരുന്നത്.
മീഡിയ വണ്ണിന്റെ ഡല്ഹി കറസ്പോണ്ണ്ടന്റ് ഹസ്നുല് ബന്ന ടെലിഫോണ് വഴി കലാപം റിപ്പോര്ട്ട് ചെയ്തതിനെ കുറിച്ചാണ് മീഡിയാ വണ്ണിന് അയച്ച നോട്ടീസിലുണ്ടായിരുന്നു.
