ദോഹ: നേരിയ ഇടവേളയ്ക്ക് ശേഷം ഖത്തര് വ്യോമമേഖല വീണ്ടും തുറന്നതിനെത്തുടര്ന്ന് ഖത്തര് എയര്വേയ്സ് വിമാന സര്വീസുകള് പുനഃസ്ഥാപിച്ചതായി പ്രഖ്യാപിച്ചു.
‘ഇപ്പോള് ഞങ്ങളുടെ ശ്രദ്ധ യാത്രക്കാരെ നാട്ടിലേക്ക് മടങ്ങാന് സഹായിക്കുകയോ അല്ലെങ്കില് അവരുടെ തുടര്ന്നുള്ള യാത്ര സുരക്ഷിതമായും സുഗമമായും എത്തിക്കുകയോ ചെയ്യുക എന്നതാണ്. എത്രയും വേഗം പ്രവര്ത്തനങ്ങള് പുനഃസ്ഥാപിക്കുന്നതിന് സര്ക്കാര് പങ്കാളികളുമായും ബന്ധപ്പെട്ട അധികാരികളുമായും ഞങ്ങള് അക്ഷീണം പ്രവര്ത്തിക്കുന്നു,’ എയര്ലൈന് വെബ്സൈറ്റില് പറഞ്ഞു.
‘തടസ്സങ്ങള് കുറയ്ക്കുന്നതിലൂടെയും എല്ലാ ഉപഭോക്താക്കള്ക്കും പരമാവധി പരിചരണവും പിന്തുണയും നല്കുന്നതിലൂടെയും ദുരിതബാധിതരായ യാത്രക്കാരെ സഹായിക്കുന്നതിന് ഹമദ് അന്താരാഷ്ട്ര വിമാനത്താവളത്തിലും മറ്റ് പ്രധാന വിമാനത്താവളങ്ങളിലും ഞങ്ങള് അധിക ഗ്രൗണ്ട് സ്റ്റാഫിനെ വിന്യസിച്ചിട്ടുണ്ട്.’
പ്രവര്ത്തനങ്ങള് പുന:രാരംഭിക്കുമ്പോള്, വിമാന ഷെഡ്യൂളില് കാര്യമായ കാലതാമസം പ്രതീക്ഷിക്കുന്നതായി ഖത്തര് എയര്വേയ്സ് അറിയിച്ചു. യാത്രയ്ക്ക് മുമ്പ് qatarairways.com അല്ലെങ്കില് ഖത്തര് എയര്വേയ്സ് മൊബൈല് ആപ്ലിക്കേഷന് പരിശോധിക്കാന് എയര്ലൈന് യാത്രക്കാരോട് അഭ്യര്ഥിച്ചു.
