ദോഹ: ഖത്തര് സമൂഹത്തില് ലഹരി ഉപയോഗം മൂലം വര്ധിച്ചു വരുന്ന പ്രതിസന്ധിക്കെതിരെ ശക്തമായ പ്രതിജ്ഞയുമായി ഐ എം സി സി ഖത്തര് സെന്ട്രല് കമ്മിറ്റിയുടെ നേതൃത്വത്തില് ബിന് മഹമൂദ് സെഞ്ചറി റെസ്റ്റോറന്റില് ഇഫ്താര് സംഗമം സംഘടിപ്പിച്ചു.
പരിപാടി എം ഇ എസ് സ്കൂള് വിദ്യാര്ഥി മുഹമ്മദ് പി എച്ചിന്റെ ഖിറാഅത്തോടെ ആരംഭിച്ചു. ഐ എം സി സി സെന്ട്രല് കമ്മറ്റി ജനറല് സെക്രട്ടറി എന് പി മുനീര് മേപ്പയ്യൂര് അധ്യക്ഷ സ്ഥാനം വഹിച്ചു. ഖത്തറിലെ വിവിധ സംഘടനകളുടെ പ്രതിനിധികളും സാമൂഹിക പ്രവര്ത്തകരും സംഗമത്തില് പങ്കെടുത്തു.
വിവിധ സംഘടനകളെ പ്രതിനിധീകരിച്ച് നിധിന് എസ് (സംസ്കൃതി), സക്കറിയ (കെ ഐ സി), വിപിന് വി പി (ഇന്കാസ്), പ്രദോഷ്കുമാര് (അടയാളം ഖത്തര്), റഊഫ് കൊണ്ടോട്ടി (ലോക കേരള സഭ അംഗം), ഇസ്മായില് തോപ്പയില് (ഐ സി എഫ്) എന്നിവര് ആശംസകള് അര്പ്പിച്ച് സംസാരിച്ചു.
ഐ എം സി സി ഡല്ഹി കേന്ദ്രീകരിച്ച് നടത്തുന്ന ചാരിറ്റി പ്രവര്ത്തനങ്ങളുടെ പ്രഖ്യാപനം നൗഷീര് ടി ടി നിര്വഹിച്ചു. സന്ദര്ശനാര്ഥം ഖത്തറിലെത്തിയ ഐ എന് എല് കോഴിക്കോട് ജില്ലാ നേതാവ് മുഹമ്മദ് മുബാറക്കിനെ ഐ എ ംസി സി സെന്ട്രല് കമ്മറ്റി ട്രഷറര് പി എച്ച മന്സൂര് കൂളിയഗ്ഗാല് ഷാള് അണിയിച്ച് ആദരിച്ചു.
ലഹരിവിരുദ്ധ പ്രതിജ്ഞ മുസ്തഫ കബീര് ചൊല്ലിക്കൊടുത്തു. അതിനൊപ്പം എല്ലാവരും പ്രതിജ്ഞ എടുത്തു. ഐ എം സി സി സെന്ട്രല് കമ്മറ്റി സെക്രട്ടറി മുബാറക് നെല്ലിയാളി പരിപാടിക്ക് സ്വാഗതം പറഞ്ഞു.
സംഗമത്തിന് ഷാനവാസ് ബാബു, ശംസുദ്ധീന് വില്ല്യപ്പള്ളി, മുനീര് പി ബി, കബീര് ആലംബാടി, അമീര് ഷെഖ് പടന്നാക്കാട്, ഫഹദ് കൊയിലാണ്ടി, ജബ്ബാര് ഇരിക്കൂര്, സാദിക്ക് കൂളിയഗ്ഗാല് എന്നിവര് നേതൃത്വം നല്കി.
