ദോഹ: പതിനാലാമത് ഖത്തര്‍ ഇന്റര്‍നാഷണല്‍ ഫാല്‍ക്കണ്‍സ് ആന്റ് ഹണ്ടിംഗ് ഫെസ്റ്റിവലിന് 2023 ജനുവരി ഒന്നിന് തുടക്കം. ഫാല്‍ക്കണുകള്‍ക്കും വേട്ടയാടുകള്‍ക്കും നടക്കുന്ന മേഖലയിലെ ഏറ്റവും വലിയ ഫെസ്റ്റാണിത്.
ചരിത്രപരവും പൈതൃകവുമായ വൈവിധ്യങ്ങള്‍ പ്രകടിപ്പിക്കുകയും ഭാവി തലമുറകള്‍ക്കായി അവ നിലനിര്‍ത്താന്‍ ശ്രമിക്കുകയും ചെയ്യുന്നതിനാല്‍ യഥാര്‍ഥ ഖത്തറി സംസ്‌കാരത്തിന്റെ അടിസ്ഥാന ഘടകങ്ങളിലൊന്നാണ് ഫാല്‍ക്കണ്‍സ് ആന്‍ഡ് ഹണ്ടിംഗ് ഫെസ്റ്റിവല്‍. ആധികാരിക അറബി വേട്ടയെ പ്രോത്സാഹിപ്പിക്കുക എന്ന ലക്ഷ്യത്തോടെ 2008ല്‍ സ്ഥാപിതമായ വേട്ടക്കാര്‍ക്കായുള്ള സാംസ്‌കാരിക സംഘടനയാണ് അല്‍ ഗന്നാസ്.
അല്‍ ഗന്നാസും കത്താറയിലെ കള്‍ച്ചറല്‍ വില്ലേജ് ഫൗണ്ടേഷനും ചേര്‍ന്നാണ് ഖത്തര്‍ ഇന്റര്‍നാഷണല്‍ ഫാല്‍ക്കണ്‍സ് ആന്‍ഡ് ഹണ്ടിംഗ് ഫെസ്റ്റിവല്‍ അഥവാ മര്‍മി സംഘടിപ്പിക്കുന്നത്.
