ദോഹ: റവാബി ഷോപ്പിംഗിന്റെ ഓണ്ലൈന് പ്ലാറ്റ്ഫോം വീണ്ടും പ്രഖ്യാപിച്ചു. നവീകരിച്ച പ്ലാറ്റ്ഫോമില് ഖത്തറിലുടനീളമുള്ള ഉപഭോക്താക്കളുടെ ഡിജിറ്റല് ആവശ്യങ്ങള് നിറവേറാന് ആധുനികവും കാര്യക്ഷമവുമായ www.rawabihypermarket.com സന്ദര്ശിക്കാവുന്നതാണ്.
ഓണ്ലൈന് ഷോപ്പിംഗ് വേഗമേറിയതും സൗകര്യപ്രദവും ആക്സസ് ചെയ്യാവുന്നതുമാക്കുകയാണ് റവാബി. ഡിജിറ്റല് പരിവര്ത്തനത്തിലൂടെഖത്തറി സമൂഹത്തോടുള്ള പ്രതിബദ്ധതയാണ് റവാബി ഷോപ്പിംഗിന്റെ പുതിയ അനുഭവമെന്ന് ഡിജിറ്റല് നാഴികക്കല്ലിനെക്കുറിച്ച് സംസാരിച്ച റവാബി ഗ്രൂപ്പിന്റെ മാനേജിംഗ് ഡയറക്ടര് മുഹമ്മദ് അബ്ദുല്ല പറഞ്ഞു. ഗുണനിലവാരം, അനായാസം, ഉപഭോക്തൃ സംതൃപ്തി എന്നിവയില് പ്രതീക്ഷകള് നിറവേറ്റുക മാത്രമല്ല അത് മറികടക്കുകയും ചെയ്യുന്ന ഓണ്ലൈന് ഷോപ്പിംഗ് അനുഭവം നല്കാനാണ് റവാബി ലക്ഷ്യമിടുന്നത്. ഉപഭോക്താക്കള്ക്ക് വീട്ടിലിരുന്ന് ഷോപ്പിംഗിന് സൗകര്യമൊരുക്കുന്നതോടൊപ്പം ഗുണനിലവാരവും താങ്ങാനാവുന്ന വിലയും ഉറപ്പാക്കുകയും ചെയ്യുന്നു.
ഇസ്ഗാവയിലെ റവാബി ഹൈപ്പര്മാര്ക്കറ്റില് നടന്ന ലോഞ്ച് ഇവന്റില് റവാബി ഗ്രൂപ്പ് ഓഫ് കമ്പനീസ് ജനറല് മാനേജര് കണ്ണുബേക്കര്, ചെയര്മാന് എം പി അബ്ദുല്ല ഹാജി, എക്സിക്യൂട്ടീവ് ഡയറക്ടര് അജ്മല് അബ്ദുല്ല എന്നിവര് പങ്കെടുത്തു.
അന്പത് റിയാലിനും അതിനുമുകളിലുമുള്ള ഓര്ഡറുകള്ക്ക് സൗജന്യ ഡെലിവറി, ഇംഗ്ലീഷ്, അറബിക്, തഗാലോഗ് എന്നീ ഭാഷകളില് ഷോപ്പിംഗ് സൗകര്യം, ദൈനംദിന ഷോപ്പിംഗ് ആവശ്യങ്ങള് ലളിതമാക്കുന്ന സൗകര്യപ്രദവും അവബോധജന്യവുമായ അപ്ലിക്കേഷന്, ഓര്ഡറുകള് 30 മിനിറ്റിനുള്ളില് എത്തിക്കാനുള്ള എക്സ്പ്രസ് ഡെലിവറിക്കുള്ള ഓപ്ഷന്, പ്രധാന ബാങ്ക് കാര്ഡുകള്, ആപ്പിള് പേ, ഗൂഗ്ള് പേ, ക്യാഷ് ഓണ് ഡെലിവറി, കാര്ഡ് ഓണ് ഡെലിവറി എന്നിവ ഉള്പ്പെടെയുള്ള സുരക്ഷിത പേയ്മെന്റ് രീതികള്, വൈവിധ്യമാര്ന്ന ആവശ്യങ്ങള് നിറവേറ്റുന്നതിന് രൂപകല്പ്പന ചെയ്ത ഗുണനിലവാരമുള്ള ഉത്പന്നങ്ങളുടെ സമഗ്രമായ തെരഞ്ഞെടുപ്പ് സാധ്യതകള്, ഓണ്ലൈന് ഡീലുകള്ക്കും പ്രമോഷനുകള്ക്കും എക്സ്ക്ലൂസീവ് ഓഫറുകള് തുടങ്ങി നിരവധി സൗകര്യങ്ങള് ഓണ്ലൈന് ഷോപ്പിംഗിന് ലഭ്യമാകും.
