GCC News
ഗോള്‍ഡന്‍ റെസിഡന്‍സി ഉടമകള്‍ക്ക് വര്‍ക്ക് പെര്‍മിറ്റുകള്‍ തുടങ്ങി
ദുബായ്: ഗോള്‍ഡന്‍ റെസിഡന്‍സി ഉടമകള്‍ക്ക് വര്‍ക്ക് പെര്‍മിറ്റ് നല്‍കുന്നത് ഉടന്‍ ആരംഭിക്കുമെന്ന് മാനവ വിഭവശേഷി മന്ത്രാലയം അറിയിച്ചു.
ഗോള്‍ഡന്‍ റെസിഡന്‍സി ഉടമകള്‍ക്ക് വര്‍ക്ക് പെര്‍മിറ്റ് അനുവദിക്കുന്ന കാബിനറ്റ് പ്രമേയം നടപ്പാക്കുന്നതിന്റെ ഭാഗമായാണ് പുതിയ നീക്കം.
മൂന്ന് കേസുകളില്‍ ഇത്തരം പെര്‍മിറ്റുകള്‍ ആവശ്യമാണെന്ന് മന്ത്രാലയം വ്യക്തമാക്കി. ആദ്യത്തേത് ഗോള്‍ഡന്‍ റെസിഡന്‍സി ലഭിച്ചപ്പോള്‍ തൊഴിലില്ലാത്തവരും ഒരു പ്രത്യേക തൊഴിലുടമയ്ക്ക് വേണ്ടി ജോലി ചെയ്യാന്‍ ആഗ്രഹിക്കുന്നവരുമാണ്. രണ്ടാമത്തേത് ഗോള്‍ഡന്‍ റെസിഡന്‍സി ഹോള്‍ഡര്‍മാരാണ്- പുതിയ തൊഴിലുടമയ്ക്കായി ജോലി ആരംഭിക്കാന്‍ ഉദ്ദേശിക്കുന്നു. മൂന്നാമത്, നിലവിലുള്ള തൊഴിലുടമ ഗോള്‍ഡന്‍ റെസിഡന്‍സി ഉടമയുടെ വര്‍ക്ക് പെര്‍മിറ്റും കരാറും പുതുക്കാന്‍ ആഗ്രഹിക്കുമ്പോള്‍.
ജോലി പെര്‍മിറ്റുകളും കരാറുകളും നല്‍കുന്നതുമായി ബന്ധപ്പെട്ട അതേ നിയമങ്ങളും നടപടിക്രമങ്ങളും മാതാപിതാക്കളുടെ റെസിഡന്‍സിയില്‍ രജിസ്റ്റര്‍ ചെയ്തിട്ടുള്ള ആശ്രിതര്‍ക്കും ബാധകമാണ്.
ഗോള്‍ഡന്‍ റെസിഡന്‍സി ലഭിക്കുന്ന തൊഴിലുടമകളും തൊഴിലാളികളും തമ്മിലുള്ള വര്‍ക്ക് പെര്‍മിറ്റുകളും കരാറുകളും സാധുവായി തുടരും, ഒപ്പം ബാധകമായ എല്ലാ യു എ ഇ നിയമങ്ങള്‍ക്കും വിധേയമായിരിക്കും.
മന്ത്രാലയം പറയുന്നതനുസരിച്ച്, രാജ്യത്തിന് പുറത്തുള്ളവര്‍ക്ക് വര്‍ക്ക് പെര്‍മിറ്റിനായി നിശ്ചയിച്ചിട്ടുള്ളതും ബാധകമായതുമായ ഫീസ്, അതുപോലെ തന്നെ വര്‍ക്ക് പെര്‍മിറ്റുകളും കരാറുകളും പുതുക്കുന്നതിനും ഭേദഗതി ചെയ്യുന്നതിനുമുള്ള ഫീസ് എന്നിവയും ഗോള്‍ഡന്‍ റെസിഡന്‍സി ഉടമകള്‍ക്ക് ബാധകമാകും.
