ഊട്ടി: സംയുക്ത സേന മേധാവി ബിപിന് റാവത്തടക്കം ഉന്നത ഉദ്യോഗസ്ഥര് സഞ്ചരിച്ച ഹെലികോപ്റ്റര് തമിഴ്നാട്ടിലെ ഊട്ടിയ്ക്കടുത്തുള്ള കൂനൂരില് തകര്ന്നുവീണു. 11 പേര് മരിച്ചു. മൂന്നുപേര്ക്ക് 85 ശതമാനം പൊള്ളലേറ്റു. ഐ.എ.എഫ് ഹെലികോപ്റ്ററാണ് അപകടത്തില്പ്പെട്ടത്. ബിപിന് റാവത്തിന് ഗുരുതരമായി പരിക്കേറ്റതായി വിവരങ്ങള് പുറത്തുവന്നിട്ടുണ്ട്. റാവത്തും കുടുംബവുമടക്കം 14 പേരാണ് ഹെലികോപ്റ്ററിലുണ്ടായിരുന്നതെന്നാണ് വ്യോമസേനയുടെ ഔദ്യോഗിക വിശദീകരണം.
കൂനൂരില് നിന്ന് അഞ്ച് കിലോമീറ്റര് ദൂരെയുള്ള കട്ടേരി പാര്ക്കിലാണ് അപകടം നടന്നത്. ലാന്ഡിംഗിന് തൊട്ടുമുമ്പാണ് ദുരന്തമുണ്ടായിരിക്കുന്നത്. ഹെലികോപ്റ്ററില് ആകെ 14 പേരുണ്ടായിരുന്നതില് 11 പേരും കൊല്ലപ്പെട്ടതായാണ് ഏറ്റവുമൊടുവില് പുറത്തുവരുന്ന വിവരം. മൂന്ന് പേരെയാണ് ജീവനോടെ രക്ഷിക്കാനായിട്ടുള്ളത്. ഇതില് ജനറല് ബിപിന് റാവത്തുമുണ്ടെന്നാണ് റിപ്പോര്ട്ടുകള് പുറത്തുവരുന്നത്.
