കൊച്ചി: എയര് ഇന്ത്യയുടെ ചെലവ് കുറഞ്ഞ വിമാനക്കമ്പനിയായ എയര് ഇന്ത്യ എക്സ്പ്രസ് ലിമിറ്റഡ് പൈലറ്റുമാരെ (കമാന്ഡര്മാരും ഫസ്റ്റ് ഓഫീസര്മാരും) റിക്രൂട്ട് ചെയ്യാന് ലക്ഷ്യമിട്ടുള്ള റോഡ്ഷോ സംഘടിപ്പിച്ചു. മുംബൈയില് നടന്ന പരിപാടി പൈലറ്റുമാരുടെ ഗണ്യമായ പങ്കാളിത്തത്തിന് സാക്ഷ്യം വഹിക്കുകയും എയര്ലൈനിന്റെ വര്ധിച്ചുവരുന്ന ആവശ്യങ്ങള് നിറവേറ്റാനുള്ള ശ്രമത്തെ ശക്തിപ്പെടുത്തുകയും ചെയ്തു.
ഡല്ഹി, ബാംഗ്ലൂര് എന്നിവിടങ്ങളിലായി നടന്ന റോഡ് ഷോകള്ക്ക് പിന്നാലെയാണ് മുംബൈയിലെ റിക്രൂട്ട്മെന്റ് ഡ്രൈവ്. ഈ സെലക്ഷന് പ്രോസസില് ഏകദേശം 300 പൈലറ്റുമാര് പങ്കെടുത്തു.
പൈലറ്റുമാരുടെയും ക്യാബിന് ക്രൂ അംഗങ്ങളുടെയും ഒഴിവുകള് ലക്ഷ്യമിട്ട് കഴിഞ്ഞ വര്ഷം ഒക്ടോബര് മുതല് എയര് ഇന്ത്യ എക്സ്പ്രസ് ജീവനക്കാരുടെ എണ്ണം വര്ധിപ്പിക്കുന്നതില് സജീവമായി ശ്രദ്ധിക്കുന്നുണ്ട്. ചുരുങ്ങിയ സമയത്തിനുള്ളില് 280 പൈലറ്റുമാരെയും 250 ക്യാബിന് ക്രൂ അംഗങ്ങളെയും എയര്ലൈന് റിക്രൂട്ട് ചെയ്തു.
ഡല്ഹി, ബാംഗ്ലൂര്, മുംബൈ, ചെന്നൈ എന്നീ പ്രധാന മെട്രോകള്ക്ക് പുറമേ, കൊച്ചി, കോഴിക്കോട്, ഇംഫാല്, ഗുവാഹത്തി, സൂറത്ത്, അഹമ്മദാബാദ്, ഭോപ്പാല്, മംഗലാപുരം തുടങ്ങിയ മറ്റ് നഗരങ്ങളിലും ക്യാബിന് ക്രൂ വാക്ക്-ഇന് റിക്രൂട്ട്മെന്റ് ഡ്രൈവുകള് എയര് ഇന്ത്യ എക്സ്പ്രസ് നടത്തുന്നുണ്ട്.
എയര് ഇന്ത്യയുടെ ലോ-കോസ്റ്റ് കാരിയറുകളും ഉപസ്ഥാപനവുമായ എയര് ഇന്ത്യ എക്സ്പ്രസിന്റേയും എയര്ഏഷ്യ ഇന്ത്യയുടെയും നടന്നുകൊണ്ടിരിക്കുന്ന സംയോജനവും ലയനവും എയര്ലൈനിന്റെ സുപ്രധാന നാഴികക്കല്ല് അടയാളപ്പെടുത്തുന്നു. എയര് ഇന്ത്യയുടെ ടാറ്റ ഗ്രൂപ്പ് ഏറ്റെടുക്കലിന് പിന്നാലെ സമഗ്രമായ വളര്ച്ചയ്ക്കും പരിവര്ത്തനത്തിനും പദ്ധതി ആരംഭിച്ചുകഴിഞ്ഞു.
