ദോഹ: അമീര്‍ ശൈഖ് തമീം ബിന്‍ ഹമദ് അല്‍താനിയും അമേരിക്കന്‍ പ്രസിഡന്റ് ജോ ബൈഡനും ഇരു രാജ്യങ്ങളും തമ്മിലുള്ള തന്ത്രപരമായ ബന്ധങ്ങളെക്കുറിച്ചും പരസ്പര താത്പര്യമുള്ള വിഷയങ്ങളെക്കുറിച്ചും ചര്‍ച്ച ചെയ്തു.
തിങ്കളാഴ്ച അമേരിക്കന്‍ പ്രസിഡന്റ് അമീറിന് നല്‍കിയ ഫോണ്‍ കോളിലാണ് ചര്‍ച്ച നടത്തിയത്.
ഗാസ മുനമ്പിലെയും അധിനിവേശ ഫലസ്തീന്‍ പ്രദേശങ്ങളിലെയും സംഭവവികാസങ്ങള്‍, ഗാസ മുനമ്പിലെയും അധിനിവേശ ഫലസ്തീന്‍ പ്രദേശങ്ങളിലെയും യുദ്ധം അവസാനിപ്പിക്കുന്നതിനുള്ള സംയുക്ത മധ്യസ്ഥ ശ്രമങ്ങള്‍, പൊതുവായ ആശങ്കകളുടെ പ്രാദേശിക, അന്തര്‍ദേശീയ വികസനം എന്നിവയെക്കുറിച്ചും അവര്‍ ചര്‍ച്ച ചെയ്തു.
