ദോഹ: അമീര് ശൈഖ് തമീം ബിന് ഹമദ് അല്താനിയും ഇന്തോനേഷ്യന് റിപ്പബ്ലിക് പ്രസിഡന്റ് പ്രബോവോ സുബിയാന്റോയും ഇരു രാജ്യങ്ങളും തമ്മിലുള്ള സഹകരണം ശക്തിപ്പെടുത്തേണ്ടതിന്റെ പ്രാധാന്യവും പ്രാദേശിക വികസനവും ചര്ച്ച ചെയ്തു.
അമീറിന്റെ ഔദ്യോഗിക എക്സ് അക്കൗണ്ടിലെ ഒരു പോസ്റ്റില് ഇരു രാജ്യങ്ങളും തമ്മിലുള്ള പൊതു താത്പര്യങ്ങള് നിറവേറ്റുന്നതിനായി സഹകരണം ശക്തിപ്പെടുത്തേണ്ടതിന്റെ പ്രാധാന്യത്തെക്കുറിച്ച് പ്രസിഡന്റ് പ്രബോവോ സുബിയാന്റോയുമായി ചര്ച്ച ചെയ്തതായി പറഞ്ഞു. ഖത്തറിന്റെ പരമാധികാരം ലംഘിക്കുന്നതിലും പ്രാദേശിക സുരക്ഷയെ അസ്ഥിരപ്പെടുത്തുന്നതിലും ഇസ്രായേല് കാണിക്കുന്ന അശ്രദ്ധയുടെ വെളിച്ചത്തില് പ്രാദേശിക സംഭവവികാസങ്ങളെക്കുറിച്ചും അവര് പരാമര്ശിച്ചു. സഹോദര സന്ദര്ശനത്തിന് ഇന്തോനേഷ്യയിലെ ഭരണാധികാരികള്ക്കും പൗരന്മാര്ക്കും അമീര് നന്ദി പറഞ്ഞു.
