ദോഹ: ഖത്തറിലെ ഹൈസ്കൂളുകളിലെ മികച്ച വിദ്യാര്ഥികളെ അമീര് ശൈഖ് തമീം ബിന് ഹമദ് അല്താനി അമീരി ദിവാനില് ആദരിച്ചു.
മികച്ച വിദ്യാര്ഥികളെ അമീര് അഭിനന്ദിക്കുകയും അവരുടെ വിദ്യാഭ്യാസത്തില് കൂടുതല് വിജയങ്ങള് നേരുകയും ഭാവി അഭിലാഷങ്ങള് നിറവേറ്റുകയും സമൂഹത്തെ സേവിക്കുകയും ചെയ്യുന്ന തരത്തില് അക്കാദമിക് നേട്ടത്തിനായി പരിശ്രമിക്കാനും സര്വകലാശാലാ ഘട്ടത്തില് കൂടുതല് നേട്ടങ്ങള്ക്കായി മികവ് പുലര്ത്താനും പ്രോത്സാഹിപ്പിക്കുകയും ചെയ്തു. മികവും വ്യത്യസ്തതയും കൈവരിക്കുന്നതിന് കുട്ടികളെ പിന്തുണയ്ക്കുന്നതില് വിദ്യാര്ഥികളുടെ മാതാപിതാക്കളുടെ ശ്രമങ്ങളെയും അദ്ദേഹം അഭിനന്ദിച്ചു.
ബഹുമതിക്കും വിദ്യാഭ്യാസത്തിന്റെ വിവിധ ഘട്ടങ്ങളില് അമീറിന്റെ ഉദാരമായ രക്ഷാകര്തൃത്വത്തിനും വിദ്യാര്ഥികളും രക്ഷിതാക്കളും അമീറിനോട് നന്ദിയും അഭിനന്ദനവും അറിയിച്ചു.
ആദരിക്കലില് വിദ്യാഭ്യാസ ഉന്നത വിദ്യാഭ്യാസ മന്ത്രി ബുതൈന ബിന്ത് അലി അല് ജബര് അല് നുഐമിയും ആദരിക്കപ്പെട്ട വിദ്യാര്ഥികളുടെ രക്ഷിതാക്കളും പങ്കെടുത്തു.
