ദോഹ: കസാക്കിസ്ഥാന് പ്രധാനമന്ത്രി ഒല്ഷാസ് ബെക്ടെനോവുമായി അമീര് ശൈഖ് തമീം ബിന് ഹമദ് അല്താനി ലുസൈല് പാലസിലെ ഓഫീസില് കൂടിക്കാഴ്ച നടത്തി.
ഇരു സൗഹൃദ രാജ്യങ്ങളും തമ്മിലുള്ള ഉഭയകക്ഷി ബന്ധങ്ങളെക്കുറിച്ചും അവ മെച്ചപ്പെടുത്തുന്നതിനുള്ള മാര്ഗങ്ങളെക്കുറിച്ചും കൂടിക്കാഴ്ചയില് ചര്ച്ച ചെയ്തു. കൂടാതെ സംയുക്ത താത്പര്യമുള്ള നിരവധി പ്രാദേശിക, അന്തര്ദേശീയ വിഷയങ്ങളും ചര്ച്ചയായി.
യോഗത്തില് പ്രധാനമന്ത്രിയും വിദേശകാര്യ മന്ത്രിയുമായ ശൈഖ് മുഹമ്മദ് ബിന് അബ്ദുല്റഹ്മാന് ബിന് ജാസിം അല്താനിയും പങ്കെടുത്തു.
