Featured
അഭയം തേടി അഷറഫ് ഗനി യു എ ഇയില്‍
അബുദാബി: അഫ്ഗാനിസ്ഥാനില്‍ നിന്നും പലായനം ചെയ്ത പ്രസിഡന്റ് അഷറഫ് ഗനി യു എ ഇയില്‍. യു എ ഇ ഭരണകൂടം തന്നെയാണ് ഗനി രാജ്യത്ത് എത്തിയത് സ്ഥിരീകരിച്ചത്.
മാനുഷിക പരിഗണന മുന്‍നിര്‍ത്തിയാണ് ഗനിയ്ക്കും കുടുംബത്തിനും അഭയം നല്‍കിയതെന്ന് യു എ ഇ വൃത്തങ്ങള്‍ അറിയിച്ചു. യു എ ഇയില്‍ എവിടെയാണ് ഗനിയുള്ളതെന്ന് വ്യക്തമാക്കിയിട്ടില്ല.
നേരത്തെ അഷറഫ് ഗനി അഫ്ഗാനില്‍ നിന്ന് താജിക്കിസ്ഥാനിലേക്ക് പോയെന്നാണ് റിപ്പോര്‍ട്ടുകളുണ്ടായിരുന്നതെങ്കിലും അദ്ദേഹത്തിന് അഭയം നല്കാന്‍ രാജ്യം തയ്യാറായിരുന്നില്ല.
അഷറഫ് ഗനി രാജ്യം വിട്ടതോടെ കെയര്‍ടേക്കര്‍ പ്രസിഡന്റായി വൈസ് പ്രസിഡന്റ് അമറുല്ല സലെ പ്രഖ്യാപിച്ചിരുന്നു.
