ദോഹ: ഖത്തറില് ബൂസ്റ്റര് ഡോസിന് അര്ഹരായ വിഭാഗത്തെ വിപുലീകരിച്ചു.
പൊതു ആരോഗ്യ മന്ത്രാലയമാണ് കോവിഡ് -19 വാക്സിന് ബൂസ്റ്റര് ഡോസിന് അര്ഹരായവരുടെ കൂട്ടത്തില് എട്ട് മാസങ്ങള്ക്ക് മുമ്പ് രണ്ടാമത്തെ ഡോസ് ലഭിച്ച 50 വയസും അതില് കൂടുതലുമുള്ള വ്യക്തികളെ ഉള്പ്പെടുത്തിയത്.രോഗപ്രതിരോധ ശേഷിയും വിട്ടുമാറാത്ത രോഗങ്ങളും ഉള്ളവര്ക്ക് കോവിഡ് -19 അണുബാധയുണ്ടായാല് ഗുരുതരമായ സങ്കീര്ണതകള് ഉണ്ടാകാനുള്ള സാധ്യതയുണ്ട്. കോവിഡ് -19 നെതിരായ പ്രാരംഭ പ്രതിരോധ കുത്തിവയ്പ്പ് പരമ്പരയില് നിന്ന് ലഭിച്ച പ്രതിരോധ ശേഷി എട്ട് മാസങ്ങള്ക്ക് ശേഷം ക്രമേണ കുറയാന് തുടങ്ങുമെന്നും മന്ത്രാലയം സൂചിപ്പിച്ചു. എന്നിരുന്നാലും കോവിഡ് -19 നെതിരായ പ്രതിരോധ കുത്തിവയ്പ്പ് ഇപ്പോഴും ഉയര്ന്ന തലത്തിലുള്ള സംരക്ഷണം നല്കുന്നുണ്ട്.ഇതോടൊപ്പം
ബൂസ്റ്റര് ഡോസ് വാക്സിന് വിവിധ ബുദ്ധിമുട്ടുകളില് നിന്ന് കൂടുതല് കാലം സംരക്ഷണം നല്കും.ബൂസ്റ്റര് വാക്സിനുകള് കൂടുതല് ആളുകളിലേക്ക് എത്തിക്കാനുള്ള ശ്രമങ്ങള് ഭാവിയില് തുടരും.
