ന്യൂഡല്ഹി: വിദേശത്ത് ജോലി ചെയ്യുന്ന ഇന്ത്യന് പൗരന്മാരുടെ സുരക്ഷിതവും ക്രമബദ്ധവുമായ കുടിയേറ്റം ഉറപ്പാക്കുന്നതിന് ഇന്ത്യന് വിദേശകാര്യ മന്ത്രാലയം പുതിയ ‘വിദേശ യാത്ര (സൗകര്യവും ക്ഷേമവും) ബില് 2025’ അവതരിപ്പിക്കുന്നു. നിലവിലുള്ള എമിഗ്രേഷന് ആക്ട് 1983-ന് പകരമായാണ് പുതിയ ബില് രൂപീകരിച്ചിരിക്കുന്നത്.
മന്ത്രാലയത്തിന്റെ പ്രസ്താവന പ്രകാരം പുതിയ ബില് സമഗ്രമായ കുടിയേറ്റ മാനേജ്മെന്റ് സംവിധാനമാണ് ലക്ഷ്യമിടുന്നത്. വിദേശത്തേക്ക് തൊഴില് ആവശ്യാര്ഥം പോകുന്ന ഇന്ത്യക്കാരുടെ സുരക്ഷ, ക്ഷേമം, നയ ഏകോപനം എന്നിവയ്ക്ക് വ്യക്തമായ ചട്ടക്കൂട് ഒരുക്കും.
വിദേശ ഗതാഗതവും ക്ഷേമ കൗണ്സിലും സ്ഥാപിച്ച് വിവിധ മന്ത്രാലയങ്ങള് തമ്മിലുള്ള നയ ഏകോപനം ശക്തിപ്പെടുത്തും. വിദേശ തൊഴില് അവസരങ്ങളെ പ്രോത്സാഹിപ്പിക്കുന്നതോടൊപ്പം ദുര്ബല വിഭാഗങ്ങളുടെ ക്ഷേമവും സംരക്ഷണവും ഉറപ്പാക്കുന്ന നിയന്ത്രണ മാര്ഗരേഖ സൃഷ്ടിക്കും.
അന്താരാഷ്ട്ര കുടിയേറ്റ കരാറുകളുടെ നടപ്പാക്കലും മേല്നോട്ടവും ഉറപ്പാക്കുന്ന സംവിധാനം നടപ്പിലാക്കും. തൊഴിലവസര പഠനങ്ങള്ക്കും വിവരാധിഷ്ഠിത നയങ്ങള്ക്കും അടിസ്ഥാനമായ ഏകോപിത പ്രവര്ത്തനരീതി നടപ്പിലാക്കും.
ബില്ലിന്റെ കരട് രൂപം പൊതുചര്ച്ചയ്ക്കായി മന്ത്രാലയത്തിന്റെ https://www.mea.gov.in/overseasmobilitybill2025.htm വെബ്സൈറ്റില് ലഭ്യമാണ് .
ബില്ലിനെക്കുറിച്ചുള്ള അഭിപ്രായങ്ങള് 2025 നവംബര് 7-നകം താഴെപ്പറയുന്ന ഇമെയില് വിലാസങ്ങളിലേക്കു അയയ്ക്കാവുന്നതാണെന്ന് മന്ത്രാലയം അറിയിച്ചു:
[email protected]
[email protected]
[email protected]
