ദോഹ: ഗ്രാന്ഡ് മാള് ഹൈപ്പര്മാര്ക്കറ്റില് മെഗാ പ്രമോഷന്റെ അവസാനഘട്ട ഭാഗ്യവിജയികളെ തെരഞ്ഞെടുത്തു. ഗ്രാന്ഡ് മാള് ഏഷ്യന് ടൗണില് നടന്ന ചടങ്ങില് ഖത്തര് വാണിജ്യ മന്ത്രാലയ പ്രതിനിധി 5 ഭാഗ്യശാലികളെ നറുക്കെടുപ്പിലൂടെ തെരഞ്ഞെടുത്തു.
ഗ്രാന്ഡ് മാള് സി ഇ ഒ നിതില്, സി ഒ ഒ ഹരീഷ്, ഏരിയ മാനേജര് ബഷീര് പരപ്പില്, പി ആര് മാനേജര് സിദിഖ്, മാള് മാനേജര് ജലീല്, മാര്ക്കറ്റിംഗ് മാനേജര് ഷംസീര്, എ എം എം പ്രവീണ് തുടങ്ങിയവര് ചടങ്ങില് സന്നിഹിതരായിരുന്നു.
5 വിജയികള്ക്ക് ഹ്യൂണ്ടായ് ബ്രാന്ഡ് ന്യൂ അക്സെന്റ് കാറുകളാണ് സമ്മാനമായി ലഭിക്കുന്നത്. 2026 ജനുവരി 1 മുതല് ജൂണ് 24 വരെ നീണ്ട മെഗാ പ്രമോഷനിലൂടെ ഉപഭോക്താക്കള്ക്ക് 10 ഹ്യുണ്ടായി ആക്സന്റ് കാറുകള്, 1,00,000 ഖത്തര് റിയാല് ക്യാഷ് എന്നിവ നേടാനുള്ള അവസരമാണ് ഗ്രാന്ഡ് മാള് ഒരുക്കിയത്.
ഗ്രാന്ഡ് ഹൈപ്പര്മാര്ക്കറ്റ്/ ഗ്രാന്ഡ് എക്സ്പ്രസ് ഔട്ട്ലറ്റുകളില് നിന്നും 50 റിയലിനോ അതിനു മുകളിലോ പര്ച്ചേസ് ചെയ്യുമ്പോള് ലഭിക്കുന്ന റാഫിള് കൂപ്പണ് വഴി എല്ലാ ഉപഭോക്താക്കളും ഈ സമ്മാന പദ്ധതിയില് പങ്കാളികളായി. ഓരോ സീസണിലും നടന്നു വരുന്ന മെഗാ പ്രമോഷനുകളിലൂടെ കാറുകള്, സ്വര്ണ്ണ ബാറുകള്, ക്യാഷ് പ്രൈസുകള് തുടങ്ങിയ റിവാര്ഡുകള് നല്കി നിരവധി വിജയികളെ സൃഷ്ടിക്കാന് ഇതിനോടകം ഗ്രാന്ഡ് മാളിന് സാധിച്ചിട്ടുണ്ട്.
ഇതിനു പുറമെ എല്ലാ വിഭാഗങ്ങളിലുമായി നിരവധി ആനുകൂല്യങ്ങളും ഡിസ്കൗണ്ടുകളും ഗ്രാന്ഡ് മാള്/ ഗ്രാന്ഡ് എക്സ്പ്രസ്സ് ഔട്ലെറ്റുകളില് ഒരുക്കിയിട്ടുണ്ട്. അടുത്ത പ്രമോഷന് ജൂലൈ ആദ്യ വാരം ആരംഭിക്കും. ഈ പ്രമോഷനില് പങ്കെടുത്ത എല്ലാ ഉപഭോക്താക്കള്ക്കും നന്ദി അറിയിക്കുന്നതോടൊപ്പം വിജയികള്ക്ക് ഗ്രാന്ഡ് റീജിയണല് ഡയറക്ടര് അഷ്റഫ് ചിറക്കല് ആശംസകള് അറിയിച്ചു.
