ഗാസ: ഗാസ വെടിനിര്ത്തല് കരാറിനെ 15 മാസത്തിലേറെയായി ഫലസ്തീനികളുടെ ദൃഢനിശ്ചയത്തിന്റെയും ധീരമായ ചെറുത്തുനില്പ്പിന്റെയും ഫലമായാണ് ഹമാസ് പ്രശംസിച്ചത്.
ബുധനാഴ്ച കരാര് നടപ്പിലാക്കാന് വളരെയധികം പരിശ്രമിച്ച ഖത്തറിന്റെയും ഈജിപ്തിന്റെയും നേതൃത്വത്തിലുള്ള മധ്യസ്ഥര്ക്ക് ഹമാസ് പ്രസ്താവനയില് നന്ദി പറഞ്ഞു.
ഫലസ്തീന് ജനതയ്ക്കും ലോകത്തിലെ സ്വതന്ത്രരായ ജനങ്ങള്ക്കും ഒരു വലിയ നേട്ടമായി ഈ കരാറിനെ പ്രശംസിച്ചുകൊണ്ട് ഇസ്രായേല് അധിനിവേശവുമായുള്ള സംഘര്ഷത്തിന്റെ ഗതിയില് ഇത് വഴിത്തിരിവാണെന്നും ജനങ്ങളുടെ വിമോചനത്തിന്റെയും തിരിച്ചുവരവിന്റെയും ലക്ഷ്യങ്ങള് കൈവരിക്കുന്നതിനുള്ള പ്രധാന ചുവടുവയ്പ്പാണെന്നും പ്രസ്താവനയില് പറഞ്ഞു.
ഇസ്രായേല് അധിനിവേശത്തിന്റെ ആക്രമണം തടയുക, സ്ട്രിപ്പിലെ ജനങ്ങള് നേരിടുന്ന രക്തച്ചൊരിച്ചില്, കൂട്ടക്കൊലകള്, ഉന്മൂലന യുദ്ധം എന്നിവ അവസാനിപ്പിക്കുക എന്നിവ ലക്ഷ്യമിട്ട് ഗാസ മുനമ്പിലെ ക്ഷമാശീലരായ ജനങ്ങളോടുള്ള ഉത്തരവാദിത്തത്തോടുള്ള പ്രതികരണമായാണ് ഈ കരാര് വരുന്നതെന്ന് പ്രസ്താവനയില് കൂട്ടിച്ചേര്ത്തു.
