ദോഹ: ഇന്ത്യന് കള്ച്ചറല് സെന്ററിന്റെ നേതൃത്വത്തില് ഇന്ത്യന് നൃത്താധ്യാപകരെ ആദരിക്കുന്ന ‘ഗുരുവന്ദനം’ പരിപാടി നടത്തി. ഇന്ത്യന് സ്കൂളുകളിലെയും മറ്റ് പെര്ഫോമിംഗ് ആര്ട്സ് അസോസിയേഷനുകളിലെയും വിവിധ നൃത്താധ്യാപകര് വേദിയില് തങ്ങളുടെ കഴിവുകള് അവതരിപ്പിച്ചു.
ഇന്ത്യന് എംബസി ഫസ്റ്റ് സെക്രട്ടറി പത്മ കാരി മുഖ്യാതിഥിയായിരുന്നു. ഐ സി സി പ്രസിഡന്റ് എ പി മണികണ്ഠന് അധ്യക്ഷത വഹിച്ചു.
ഐ സി സി വൈസ് പ്രസിഡന്റ് സുബ്രഹ്മണ്യ ഹെബ്ബഗെലു, ജനറല് സെക്രട്ടറി മോഹന് കുമാര്, മറ്റ് ഐ സി സി മാനേജിംഗ് കമ്മിറ്റി അംഗങ്ങള്, അനുബന്ധ സംഘടനകളുടെ പ്രസിഡന്റുമാര്, മുതിര്ന്ന കമ്മ്യൂണിറ്റി നേതാക്കള് എന്നിവര് ചടങ്ങില് പങ്കെടുത്തു.
കള്ച്ചറല് ആക്ടിവിറ്റീസ് മേധാവി സുമ മഹേഷ് ഗൗഡ പരിപാടിയുടെ അവതാരകയായിരുന്നു.
