ദോഹ: ഇന്ത്യന്‍ എംബസി സ്‌പെഷ്യല്‍ കോണ്‍സുലാര്‍ ക്യാമ്പ് ജനുവരി 19ന് രാവിലെ ഒന്‍പത് മുതല്‍ 11 മണി വരെ ദുഖാനില്‍ നടക്കും. ദുഖാനും ചുറ്റുവട്ടവും താമസിക്കുന്ന ഇന്ത്യക്കാര്‍ക്ക് പാസ്‌പോര്‍ട്ട്, പി സി സി, അറ്റസ്റ്റേഷന്‍ സര്‍വീസുകള്‍ക്ക് ഈ ദിവസം ഉപയോഗപ്പെടുത്താവുന്നതാണ്.
ദുഖാനിലെ ഗള്‍ഫാര്‍ ഓഫിസ് സിക്രീത്തിലാണ് ക്യാമ്പ് നടക്കുക. ക്യാമ്പില്‍ സേവനങ്ങള്‍ക്ക് എത്തുന്നവര്‍ എല്ലാ രേഖകളുടേയും ഫോട്ടോസ്റ്റാറ്റ് കോപ്പികള്‍ കരുതേണ്ടതാണ്.
ഓണ്‍ലൈനായി ഫോറം പൂരിപ്പിക്കാന്‍ രാവിലെ എട്ടു മുതല്‍ സഹായങ്ങള്‍ ഏര്‍പ്പെടുത്തിയിട്ടുണ്ട്. തൊഴില്‍ പ്രശ്‌നങ്ങള്‍ പരിഹരിക്കാനുള്ള നടപടികളും സ്വീകരിക്കും.
ഐ സി ബി എഫ് ഇന്‍ഷൂറന്‍സ് ഡസ്‌ക് പ്രവര്‍ത്തിക്കുന്നതിന് പുറമേ പുതുക്കിയ പാസ്‌പോര്‍ട്ടുകള്‍ ജനുവരി 26ന് രാവിലെ പത്തിനും 11നും ഇടയില്‍ ഇതേ സ്ഥലത്ത് വിതരണം ചെയ്യും.
