ന്യൂഡല്ഹി: ഇന്ത്യയുടെ ഉപരാഷ്ട്രപതി ജഗ്ദീപ് ധന്കര് രാജിവെച്ചു. ആരോഗ്യപ്രശ്നങ്ങളെ തുടര്ന്നാണ് രാജിയെന്ന് രാഷ്ട്രപതിക്ക് അയച്ച രാജിക്കത്തില് ജഗദീര് ധന്കര് പറഞ്ഞു. അനുച്ഛേദം 67 (എ) പ്രകാരമാണ് തന്റെ രാജിയെന്നും കത്തില് ജഗദീപ് ധന്കര് പറയുന്നു.
രാഷ്ട്രപതി ദ്രൗപദി മുര്മു, പ്രധാനമന്ത്രി നരേന്ദ്ര മോഡി, കേന്ദ്രമന്ത്രിമാര് എന്നിവര്ക്ക് നന്ദി അറിയിക്കുന്നതായും കത്തിലുണ്ട്. 2022 ഓഗസ്റ്റിലാണ് ഇന്ത്യയുടെ 14-ാമത് ഉപരാഷ്ട്രപതിയായി ജഗ്ദീപ് ധന്കര് ചുമതലയേറ്റത്. രാജസ്ഥാനിലെ ജുന്ജുനു സ്വദേശിയായ ജഗ്ദീപ് ധന്കര് മുന് കേന്ദ്രമന്ത്രിയും ബംഗാളിലെ മുന് ഗവര്ണറുമാണ്.
