Community
ഐ സി സി വെനസ്‌ഡേ ഫിയസ്റ്റയില്‍ പരിപാടികള്‍ അവതരിപ്പിച്ചു
ദോഹ: ഐ സി സിയുടെ പ്രതിവാര സാംസ്‌ക്കാരിക പരിപാടി വെനസ്‌ഡേ ഫിയസ്റ്റയില്‍ ഐ സി സി അസോസിയേറ്റ് സംഘടനകളും ആര്‍ട് സെന്ററുകളും വിവിധ പരിപാടികള്‍ അവതരിപ്പിച്ചു. ഐ സി സി അശോക ഹാളില്‍ നടന്ന പരിപാടിയില്‍ ഐ സി സി പ്രസിഡന്റ് എ പി മണികണ്ഠന്‍ അധ്യക്ഷത വഹിച്ചു. ഐ സി സി വൈസ് പ്രസിഡന്റ് ശാന്തനു ദേശ്പാണ്ഡെ ഉദ്ഘാടനം ചെയ്തു.
ഐസിസി ഇന്‍-ഹൗസ് ആക്ടിവിറ്റീസ് മേധാവി വെങ്കപ്പ ഭാഗവതുല, ഐ സി സി ഫിനാന്‍സ് മേധാവി ബിശ്വജിത്ത് ബാനര്‍ജി എന്നിവര്‍ പ്രസംഗിച്ചു. ജയശ്രീ സുരേഷ് പരിപാടിക്ക് ആതിഥേയത്വം വഹിച്ചു.
പ്രവാസി വെല്‍ഫെയര്‍ ആന്റ് കള്‍ച്ചറല്‍ ഫോറത്തിന്റെയും പയ്യന്നൂര്‍ സൗഹൃദ വേദിയുടെയും പ്രസിഡന്റുമാരായ ചന്ദ്ര മോഹനനെയും സതീശന്‍ കോളിയാട്ടിനെയും സമൂഹത്തിന് നല്‍കിയ ശ്രദ്ധേയമായ സംഭാവനകളെ തുടര്‍ന്ന് ആദരിച്ചു.
