പാരിസ്: ഖത്തര് ആഭ്യന്തര മന്ത്രിയും ആഭ്യന്തര സുരക്ഷാ സേന (ലെഖ്വിയ) കമാന്ഡറുമായ ശൈഖ് ഖലീഫ ബിന് ഹമദ് ബിന് ഖലീഫ അല് താനി ഫ്രാന്സ് സന്ദര്ശനത്തിനിടെ ഫ്രഞ്ച് ആഭ്യന്തര മന്ത്രി ലോറന്റ് നുനെസുമായി കൂടിക്കാഴ്ച നടത്തി.
ഇരു സൗഹൃദ രാജ്യങ്ങളും തമ്മിലുള്ള ഉഭയകക്ഷി സഹകരണം കൂടുതല് ശക്തിപ്പെടുത്തുന്നതിനും വികസിപ്പിക്കുന്നതിനുമുള്ള മാര്ഗങ്ങള് കൂടിക്കാഴ്ചയില് ചര്ച്ച ചെയ്തു. പ്രത്യേകിച്ച് സുരക്ഷാ മേഖലയില് സഹകരണം കൂടുതല് വിപുലീകരിക്കുന്നതുമായി ബന്ധപ്പെട്ട വിഷയങ്ങള് ഇരുവരും വിലയിരുത്തി.
