ദോഹ: 2025 ഡിസംബര് 31-നകം ഖത്തറിലെ മൂന്നാം തലമുറ മൊബൈല് ടെലികമ്മ്യൂണിക്കേഷന് സേവനങ്ങള് നിര്ത്തലാക്കണമെന്ന് ബന്ധപ്പെട്ടവരുമായുള്ള കൂടിയാലോചനയെ തുടര്ന്ന് കമ്മ്യൂണിക്കേഷന്സ് റെഗുലേറ്ററി അതോറിറ്റി (സി ആര് എ) മൊബൈല് സേവന ദാതാക്കള്ക്ക് തീരുമാനം പുറപ്പെടുവിച്ചു.
ഉപഭോക്താക്കളുടെ ആവശ്യങ്ങളും ഭാവി അഭിലാഷങ്ങളും നിറവേറ്റുന്ന നൂതനവും വിശ്വസനീയവുമായ സേവനങ്ങള് ഉറപ്പാക്കി് ഖത്തറിലെ ടെലികമ്മ്യൂണിക്കേഷന് സേവനങ്ങളുടെ ഗുണനിലവാരവും കാര്യക്ഷമതയും വര്ധിപ്പിക്കുന്നതിനുള്ള സി ആര് എയുടെ പദ്ധതികളുടെയും തുടര്ച്ചയായ ശ്രമങ്ങളുടെയും ഭാഗമാണ് ഈ നടപടി.
സി ആര് എയുടെ തീരുമാനത്തിന് കീഴില് ഉരീദു, വോഡഫോണ് എന്നിവ നിര്ദ്ദിഷ്ട സമയപരിധിക്കുള്ളില് മൂന്നാം തലമുറ സേവനങ്ങള് നിര്ത്താന് ബാധ്യസ്ഥരാണ്. നാലാം തലമുറ (4ജിG/എല്ടിഇ4), അഞ്ചാം തലമുറ (5ജി) നെറ്റ്വര്ക്കുകളുടെ പ്രകടനത്തെ പിന്തുണയ്ക്കുന്നതിനും മെച്ചപ്പെടുത്തുന്നതിനുമായി നിലവിലുള്ള റേഡിയോ സ്പെക്ട്രം ഉറവിടങ്ങളുടെ പരമാവധി ഉപയോഗമാണ് ഇത് ലക്ഷ്യമിടുന്നത്.
4ജി, 5ജി നെറ്റ്വര്ക്കുകളുടെ വികസനത്തിനും വിപുലീകരണത്തിനും അവരുടെ നിക്ഷേപം നയിക്കാന് രണ്ട് ടെലികോം സേവന ദാതാക്കളെ അനുവദിക്കുന്നു. ഇത് ഖത്തറിന്റെ ടെലികമ്മ്യൂണിക്കേഷന് മേഖലയിലെ വളര്ച്ച വര്ധിപ്പിക്കുകയും എല്ലാ പങ്കാളികള്ക്കും പ്രയോജനം ചെയ്യുകയും പ്രാദേശിക സമ്പദ്വ്യവസ്ഥയെ വൈവിധ്യവത്കരിക്കുന്നതിന് സംഭാവന ചെയ്യുകയും ചെയ്യുന്നു. ഖത്തര് ദേശീയ ദര്ശനം 2030-നെ പിന്തുണയ്ക്കുന്നു.
കൂടാതെ ആവശ്യമായ മാനദണ്ഡങ്ങള് പാലിക്കുന്നതും സാങ്കേതികവിദ്യയ്ക്ക് അനുയോജ്യമായ ഉപകരണങ്ങള്ക്ക് അംഗീകാരം നല്കുമ്പോള്. രണ്ടാം, മൂന്നാം തലമുറ സാങ്കേതികവിദ്യകള് മാത്രം പിന്തുണയ്ക്കുന്ന മൊബൈല് ഫോണുകളുടെ ഇറക്കുമതി ഉടന് നിരോധിക്കാന് സി ആര് എ തീരുമാനിച്ചു.
ഈ നടപടികളിലൂടെ, ഉപഭോക്താക്കള്ക്ക് മികച്ച സേവനങ്ങള് ലഭിക്കുന്നുണ്ടെന്ന് ഉറപ്പാക്കുന്നതിനുള്ള പ്രതിബദ്ധത സി ആര് എ വീണ്ടും ഉറപ്പിക്കുന്നു. 4ജി, 5ജി നെറ്റ്വര്ക്കുകള് വികസിപ്പിക്കുന്നത് ഉയര്ന്ന ഡാറ്റ വേഗത, കുറഞ്ഞ പ്രതികരണ സമയം, മൊബൈല് ഡാറ്റ സേവനങ്ങള്ക്കായുള്ള വര്ധിച്ചുവരുന്ന ആവശ്യം നിറവേറ്റുന്നതിനുള്ള കൂടുതല് ശേഷി എന്നിവയ്ക്ക് സംഭാവന നല്കുന്നു. അതുവഴി ഉപഭോക്തൃ അനുഭവം വര്ധിപ്പിക്കുകയും മൂന്നാം ദേശീയ വികസന തന്ത്രം 2024- 2030 പിന്തുണയ്ക്കുകയും ചെയ്യുന്നു.
