തിരുവനന്തപുരം: സംസ്ഥാനത്തെ പുതിയ ലോക്ഡൗണ് മാറ്റങ്ങള് പ്രഖ്യാപിച്ചു. ആരോഗ്യ മന്ത്രി വീണ ജോര്ജ് നിയമസഭയില് ചട്ടം 300 അനുസരിച്ചാണ് പുതിയ മാനദണ്ഡങ്ങള് പ്രഖ്യാപിച്ചത്.
സര്ക്കാരിനു മുന്നില് ഉയര്ന്നുവന്ന പൊതുവായ നിര്ദ്ദേശം ടി.പി.ആറിനൊപ്പം മറ്റൊരു ശാസ്ത്രീയമായ മാനദണ്ഡം കൂടി അവലംബിക്കണമെന്നതാണ്. അതിന്റെ ഭാഗമായി ജനസംഖ്യയില് 1000 പേരില് എത്രയാള്ക്ക് പുതിയതായി രോഗം നിര്ണയിക്കപ്പെടുന്നുവെന്ന് പരിഗണിക്കപ്പെടണമെന്നാണ് തീരുമാനിച്ചിട്ടുള്ളതെന്ന് മന്ത്രി പറഞ്ഞു.
രാഷ്ട്രീയ, സാംസ്കാരിക, സാമൂഹ്യ കൂട്ടായ്മകള് ഉള്പ്പെടെ ജനങ്ങള് കൂടുന്ന സംവിധാനങ്ങള് ഒഴിവാക്കുന്ന രീതി തുടരും.
ആരാധനാലയങ്ങളില് അവയുടെ വിസ്തീര്ണം കണക്കാക്കിയാവണം ആളുകള് പങ്കെടുക്കേണ്ടത്. വലിയ വിസ്തീര്ണമുള്ളവയില് പരമാവധി 40 പേര്ക്ക് പങ്കെടുക്കാം. കല്യാണങ്ങളിലും മരണാനന്തര ചടങ്ങുകളിലും പരമാവധി 20 പേര്ക്ക് പങ്കെടുക്കാം.വ്യാപാരസ്ഥാപനങ്ങള്ക്ക് ഒരു പ്രദേശത്തെ ജനസംഖ്യയുടെ 1000 പേരില് പത്തില് കൂടുതല് രോഗികള് ഒരാഴ്ച ഉണ്ടായാല് ട്രിപ്പിള് ലോക്ക്ഡൗണും, മറ്റുള്ളയിടങ്ങളില് ആഴ്ചയില് 6 ദിവസം പ്രവര്ത്തിക്കാന് അനുമതിയും നല്കും.സ്വാതന്ത്ര്യദിനം പ്രമാണിച്ച് ഞായറാഴ്ചയും പ്രവര്ത്തിക്കാം. ഓണത്തിന്റെ തിരക്ക് കൂടി കണക്കിലെടുത്ത് ആഗസ്റ്റ് 22 ഞായറാഴ്ചയും ലോക്ഡൗണ് നിയന്ത്രണങ്ങള് ഒഴിവാക്കും.
കടകളുടെ പ്രവര്ത്തന സമയം രാവിലെ 7 മുതല് രാത്രി ഒമ്പത് വരെ അനുവദിക്കും.
