ദോഹ: ഈ വര്ഷാവസാനം ഖത്തറില് നടക്കുന്ന രാജ്യവ്യാപക സ്റ്റെപ്പ് വൈസ് സര്വേ ദേശീയ പ്രമേഹ തന്ത്രത്തില് നിരവധി നിര്ദ്ദിഷ്ട പദ്ധതികള് വികസിപ്പിക്കാന് സഹായിക്കുമെന്ന് ഹമദ് മെഡിക്കല് കോര്പ്പറേഷന്റെ മുതിര്ന്ന ഉദ്യോഗസ്ഥന് പറഞ്ഞു.
പ്രമേഹ വ്യാപനത്തിന്റെ മറ്റെല്ലാ കണക്കുകളും കൃത്യമല്ലാത്തതായതിനാല് ഈ സര്വേയില് നിന്നുള്ള സ്ഥിതിവിവരക്കണക്കുകളില് താത്പര്യമുണ്ടെന്ന് ഡെപ്യൂട്ടി ചീഫ് മെഡിക്കല് ഓഫീസറും ഖത്തര് മെറ്റബോളിക് ഇന്സ്റ്റിറ്റ്യൂട്ട് ഡയറക്ടറുമായ പ്രൊഫ. അബ്ദുല് ബാദി അബ്ദു സംറ പറഞ്ഞു.
ദേശീയ പ്രമേഹ തന്ത്രത്തില് നിരവധി നിര്ദ്ദിഷ്ട പദ്ധതികള് വികസിപ്പിക്കാന് സഹായിക്കുമെന്നും അദ്ദേഹം പറഞ്ഞു. 2012-ലാണ് അവസാനമായി സ്റ്റെപ് വൈസ് സര്വേ നടത്തിയത്. 2023-ല് നടക്കുമ്പോള് അത് 11 വര്ഷങ്ങള്ക്ക് ശേഷമായിരിക്കും. പുതിയ സര്വേ ഖത്തര് ജനസംഖ്യയുടെ എപ്പിഡെമിയോളജിക്കല് പ്രതിനിധിയും പ്രമേഹത്തിന്റെയും മറ്റ് സാംക്രമികേതര രോഗങ്ങളുടെയും വ്യാപനത്തെക്കുറിച്ചുള്ള ഏറ്റവും പുതിയ കണക്കുകള് നല്കുകയും ചെയ്യും. രാജ്യത്ത് പ്രമേഹത്തിന്റെ വ്യാപനത്തിന്റെ തോത് സംബന്ധിച്ച് ഇത് വളരെ പ്രധാനപ്പെട്ട ഉള്ക്കാഴ്ചകള് നല്കുമെന്നും പ്രൊഫ. അബ്ദുല് ബാദി അബു സംറ പറഞ്ഞു.
പ്ലാനിംഗ് ആന്റ് സ്റ്റാറ്റിസ്റ്റിക്സ് അതോറിറ്റിയുമായി സഹകരിച്ച് പൊതുജനാരോഗ്യ മന്ത്രാലയം ഈ വര്ഷം സര്വേ ആരംഭിക്കുമെന്ന് ഉദ്യോഗസ്ഥര് അറിയിച്ചു.
ആളുകള്ക്കിടയില് പ്രമേഹം മാറ്റാന് സ്വീകരിച്ച നടപടികള് സര്വേയില് പ്രതിഫലിക്കും.
8,000 ഖത്തറികളും ഖത്തറി ഇതര കുടുംബങ്ങളും ഉള്ക്കൊള്ളാനാണ് പുതിയ സ്റ്റെപ്പ് വൈസ് സര്വേ ലക്ഷ്യമിടുന്നത്.
